വടക്കഞ്ചേരി: കനത്ത മഴയില്‍ കണക്കൻതുരുത്തി പല്ലാറോഡില്‍ തെങ്ങ് വീണ് നെല്‍പ്പാടത്ത് പണിയെടുത്തിരുന്ന തൊഴിലാളി മരിച്ചു.പല്ലാറോഡ് മിച്ചഭൂമിയില്‍ താമസിക്കുന്ന മണിയുടെ ഭാര്യ തങ്കമണി (53)യാണ് മരിച്ചത്. ഇന്നലെ ഉച്ചയ്ക്ക് ഒരു മണിയോടെയായിരുന്നു സംഭവം.
തങ്കമണി ഉള്‍പ്പെടെ മൂന്ന് സ്ത്രീകളാണ് പണിയെടുത്തുകൊണ്ടിരുന്നത്.ഈ സമയം സമീപത്തെ പുരയിടത്തിൽ നിന്ന തെങ്ങ് അടിഭാഗം പൊട്ടി പാടത്തേക്ക് വീഴുകയായിരുന്നു. തെങ്ങിനടിയില്‍പ്പെട്ട തങ്കമണി തൽക്ഷണം മരിച്ചു. മക്കള്‍: വിനു, വിനിത, വിൻസി, ജിൻസി, വിനീഷ്, ജിനീഷ്.
