കൊല്ലം: കുണ്ടറയില്‍ ആണ്‍കുട്ടിയേയും പെണ്‍കുട്ടിയേയും ട്രെയിൻ തട്ടി മരിച്ച നിലയില്‍ കണ്ടെത്തി. കോളശ്ശേരി സ്വദേശിയായ 15 കാരനും പുത്തൻകുളങ്ങര സ്വദേശിനിയായ 15 കാരിയുമാണ് മരിച്ചത്.
മാമൂടിനും കേരളപുരത്തിനും ഇടയില്‍ വെച്ചാണ് സംഭവമുണ്ടായത്. പുനലൂര്‍ കൊല്ലം മെമുവാണ് വിദ്യാര്‍ത്ഥികളെ ഇടിച്ചത്.
കൊല്ലം – ചെങ്കോട്ട റെയില്‍ പാതയില്‍ രാത്രി 8.50നാണ് അപകടമുണ്ടായത്. ഇരുവരും ട്രെയിനിനു മുന്നില്‍ ചാടിയതാണോയെന്ന സംശയവും ഉയരുന്നുണ്ട്. അപകമുണ്ടായ ഉടൻ ട്രെയിൻ നിര്‍ത്തിയശേഷം ലോക്കോ പൈലറ്റ് പൊലീസ് കണ്‍ട്രോള്‍ റൂമില്‍ വിവരമറിയിക്കുകയായിരുന്നു.
തുടര്‍ന്ന് പൊലീസ് സ്ഥലത്തെത്തി. ഇരുവരുടെയും മൃതദേഹങ്ങള്‍ കൊല്ലം ജില്ലാ ആശുപത്രി മോര്‍ച്ചറിയിലേക്കു മാറ്റി.
