വഡോദര: ഹോട്ടലിൽ പാഴ്സൽ വാങ്ങാനെത്തിയ ദലിത് യുവാവിനെ തല്ലിക്കൊന്നു. ഹോട്ടല്‍ മാനേജറും സഹായിയും ചേര്‍ന്നാണ് ഓട്ടോറിക്ഷാ ഡ്രൈവറായ രാജു വാങ്കര്‍ (45) എന്നയായെ കൊലപ്പെടുത്തിയത്.
ഗുരുതരമായി പരിക്കേറ്റ ഇയാള്‍ വഡോദരയിലെ എസ്‌.എസ്‌.ജി ആശുപത്രിയില്‍ ചികിത്സയിലായിരുന്നു. വെള്ളിയാഴ്ച വൈകീട്ടാണ് മരിച്ചത്. സംഭവത്തില്‍ രണ്ട് പേര്‍ക്കെതിരെ ബക്കോര്‍ പൊലീസ് കേസെടുത്തു.
കഴിഞ്ഞ ബുധനാഴ്ച വൈകുന്നേരം ലിംബാഡിയ ഗ്രാമത്തിലെ ഒരു ഹോട്ടലിലായിരുന്നു സംഭവം.
