ന്യൂഡല്‍ഹി: ഒഡീഷ ട്രെയിൻ ദുരന്തത്തെ തുടര്‍ന്ന് ഇന്ന് രാജ്യവ്യാപകമായി 29 ട്രെയിനുകള്‍ കൂടി റദ്ദാക്കി.
ഇന്നലെ റദ്ദാക്കിയ ട്രെയിനുകള്‍ക്ക് പുറമേയാണിത്. ഇതോടെ റെയില്‍വെ റദ്ദാക്കിയ ട്രെയിനുകളിലും എണ്ണം 85 ആയി. 45 ട്രെയിനുകള്‍ വഴി തിരിച്ചു വിട്ടു. കേരളത്തില്‍ നിന്നും തിരുവനന്തപുരം-ഷാലിമാര്‍ ദ്വൈവാര എക്സ്പ്രസ്, കന്യാകുമാരി ദിബ്രുഗര്‍ വിവേക് എക്സ്പ്രസ് എന്നീ ട്രെയിനുകള്‍ വഴി തിരിച്ചു വിട്ട ട്രെയിനുകളില്‍ ഉള്‍പ്പെടുന്നു.
അതേസമയം ചെന്നൈ സെൻട്രലില്‍ നിന്ന് ഒഡീഷയിലെ ഭദ്രകിലേക്ക് ശനിയാഴ്ച പ്രത്യേക ട്രെയിൻ ഏര്‍പ്പെടുത്തിയിരുന്നു. ഭുവനേശ്വറില്‍ നിന്ന് ചെന്നൈയിലേക്ക് വരുന്നവര്‍ക്കും ചെന്നൈയില്‍ നിന്ന് ഒഡീഷയിലേക്ക് പോകുന്ന അപകടത്തില്‍പ്പെട്ടവരുടെ ബന്ധുക്കള്‍ക്കും വേണ്ടിയാണ് ഇത്.
