കോട്ടയം: പൊന്‍കുന്നം ചെറുവള്ളി ദേവീ ക്ഷേത്രത്തിലെ ആന കുസുമം ചരിഞ്ഞു. ഏകദേശം 80 വയസ് പ്രായമുണ്ട്. 1993 ലാണ് ചെറുവള്ളിയില്‍ കുസുമത്തിനെ നടയിരുത്തുന്നത്. അന്ന് മുതല്‍ ചെറുവള്ളിക്കാരുടെ പ്രിയപ്പെട്ട ആനയായിരുന്നു കുസുമം എന്ന പിടിയാന.
പ്രായാധിക്യത്താല്‍ ആറ് മാസത്തോളം മോശം ആരോഗ്യ അവസ്ഥയില്‍ ആയിരുന്നു ആന. കഴിഞ്ഞ ഒരു മാസത്തിനുള്ളില്‍ അവശത മാറി നടന്നിരുന്നു. ഇതിന് പിന്നാലെയാണ് ആന ചരിഞ്ഞത്. നൂറോളം എഴുന്നള്ളിപ്പില്‍ പങ്കെടുത്തിരുന്ന ആനയാണ് കുസുമം.
