കന്യാസ്ത്രീ നായികാ കഥാപാത്രമായ മലയാളത്തിലെ ആദ്യ സിനിമയെത്തുന്നു; ‘നേർച്ചപ്പെട്ടി’ ചിത്രീകരണം പൂർത്തിയായി

• റഹിം പനവൂർ

കന്യാസ്ത്രീ നായിക കഥാപാത്രമാകുന്ന ആദ്യ മലയാള സിനിമയാണ് നേർച്ചപ്പെട്ടി. അതുകൊണ്ടു തന്നെ ഈ സിനിമ ചിത്രീകരണ സമയത്തേ ഏറെ ശ്രദ്ധേയമായിരുന്നു. ബാബുജോൺ കൊക്കവയൽ ആണ് കഥ എഴുതി ചിത്രം സംവിധാനം ചെയ്യുന്നത്. സ്‌കൈ ഗേറ്റ് മൂവീസും ഉജ്വയ്നി പ്രൊഡക്ഷൻസും ചേർന്ന് നിർമിക്കുന്ന ചിത്രം ക്രൈസ്തവസഭയിലെ ചില പ്രത്യേക വിഷയങ്ങളാണ് ചൂണ്ടിക്കാട്ടുന്നത്. കണ്ണൂരും പരിസര പ്രദേശങ്ങളിലുമായി സിനിമയുടെ ചിത്രീകരണം പൂർത്തിയായി.

തമിഴിലും മലയാളത്തിലും നിരവധി ചിത്രങ്ങളിൽ അഭിനയിച്ച നൈറ നിഹാർ ആണ് നായിക കഥാപാത്രത്തെ അവതരിപ്പിക്കുന്നത്. ദേശീയതലത്തിലുള്ള പരസ്യചിതങ്ങളിലൂടെയും ഫാഷൻ ഷോകളിലൂടെയും ശ്രദ്ധേയനായ അതുൽ സുരേഷ് ആണ് നായകൻ. ഉദയകുമാർ, ശ്യാം കൊടക്കാട്, മോഹൻ തളിപ്പറമ്പ, ഷാജി തളിപ്പറമ്പ, മനോജ് നമ്പ്യാർ വിദ്യൻ കനകത്തിടം, പ്രസീജ് കുമാർ, സദാനന്ദൻ ചേപ്പറമ്പ്, രാജീവ് നടുവനാട്, സിനോജ് മാക്സ്, ജയചന്ദ്രൻ പയ്യന്നൂർ, നസീർ കണ്ണൂർ, ശ്രീവേഷ്കർ, ശ്രീഹരി, പ്രഭു രാജ്, സജീവൻ പാറക്കണ്ടി, റെയ്സ് പുഴക്കര, ബിജു കല്ലുവയൽ, മാസ്റ്റർ ധ്യാൻ കൃഷ്ണ, പ്രസീത അരൂർ, രേഖാ സജിത്, വീണ, പുണ്യതീർത്ഥ, അശ്വനി രാജീവൻ, അനഘ മുകുന്ദൻ, ജെയിൻ, പ്രഭുദ്ധ സനീഷ്, ശ്രീ കലാ രതി ഇരിട്ടി എന്നിവരാണ് മറ്റു പ്രധാന താരങ്ങൾ.

തിരക്കഥ, സംഭാഷണം: സുനിൽ പുല്ലോട് ഷാനി നിലാമറ്റം. ക്യാമറ: റഫീഖ് റഷീദ്. കലാസംവിധാനം: ബാലകൃഷ്ണൻ കൈതപ്രം, മേക്കപ്പ്: ജയൻ ഏരുവേശി. എഡിറ്റർ: സിന്റോ ഡേവിഡ്, സംഗീതം: ജോജി തോമസ്, അസോസിയേറ്റ് ഡയറക്ടർ: മനോജ് , പ്രൊഡക്ഷൻ കൺട്രോളർ: ഉദയകുമാർ, അസിസ്റ്റന്റ് ഡയറക്ടർമാർ: രാലാജ് രാജൻ, ആരാധ്യ രാഗേഷ്. സ്റ്റിൽസ്: വിദ്യൻ കനകത്തിടം, പി.ആർഒ: റഹിം പനവൂർ, പ്രൊഡക്ഷൻ മാനേജർ: വിനോദ് പാടിച്ചാൽ, യൂണിറ്റ്: ശ്യാമാസ് മീഡിയ.