റോഡിലൂടെ തെരുവുനായ്ക്കള്‍ കൂട്ടമായി പോകുന്നത് സ്ഥിരം കാഴ്ചയാണ്. എന്നാല്‍ തെരുവിലൂടെ സിംഹക്കൂട്ടം പോകുന്നു എന്ന് കേട്ടാല്‍ അമ്പരന്നില്ലെങ്കിലേ അത്ഭുതമുള്ളൂ. ഇപ്പോള്‍ അത്തരമൊരു ദൃശ്യമാണ് സോഷ്യല്‍മീഡിയ കീഴടക്കുന്നത്.
സുശാന്ത നന്ദ ഐഎഫ്എസ് ആണ് വീഡിയോ പങ്കുവെച്ചത്. ഇന്ത്യയില്‍ സിംഹമുള്ളത് ഗുജറാത്തിലെ ഗിര്‍ വനത്തില്‍ മാത്രമാണ്. ഗിര്‍ വനത്തിനോട് ചേര്‍ന്നുള്ള ജനവാസകേന്ദ്രത്തില്‍ നിന്നുള്ളതാണ് ദൃശ്യം.
Another day,
Another pride…
Walking on the streets of Gujarat pic.twitter.com/kEAxByqPUU— Susanta Nanda (@susantananda3) February 15, 2023
തെരുവു കീഴടങ്ങി സിംഹക്കൂട്ടം നടന്നുപോകുന്ന രാത്രി ദൃശ്യമാണ് വൈറലാകുന്നത്. പത്തോളം സിംഹങ്ങളാണ് തെരുവിലൂടെ നടന്നുനീങ്ങുന്നത്. ഈ സമയത്ത് ഒരു വാഹനം ലൈറ്റിട്ട് വരുന്നതും വീഡിയോയില്‍ വ്യക്തമാണ്. വാഹനത്തിന്റെ ശബ്ദം കേട്ട് സിംഹം പിന്‍വാങ്ങുന്നതാണ് വീഡിയോയുടെ അവസാനം.
