ജനതാ മോഷൻ പിക്ച്ചേഴ്സിന് ആരംഭം കുറിച്ചു, ഈ ബാനറിലെ പുതിയ ആറു ചിത്രങ്ങളുടെ പ്രഖ്യാപനം മോഹൻലാൽ വേദിയിൽ വച്ചു നടത്തി

പ്രശസ്ത തിരക്കഥാകൃത്ത് എസ്.സുരേഷ് ബാബുവും പ്രമുഖവ്യവസായി ഉണ്ണി രവീന്ദ്രനും നേതൃത്വം നൽകുന്ന പുതിയ ചലച്ചിത്രനിർമ്മാണ സ്ഥാപനമായ ജനതാ മോഷൻ പിക്ച്ചേഴ്സിൻ്റെ ഉദ്ഘാടനം കൊച്ചിയിലെ ക്രൗൺ പ്ലാസാ ഹോട്ടലിൽ വച്ചു നടന്ന ചടങ്ങിൽ നടൻ മോഹൻലാൽ നിർവ്വഹിച്ചു.

ബാനർ പ്രകാശനം നടത്തിയ മോഹൻലാൽ ഈ സ്ഥാപനത്തിൻ്റെ ആറു ചിത്രങ്ങളുടെ പ്രഖ്യാപനവും ഈ വേദിയിൽ വച്ചു നടത്തുകയുണ്ടായി.
ആദ്യ രണ്ടു ചിത്രങ്ങൾ സുരേഷ് ബാബു തന്നെ തിരക്കഥ രചിച്ച് സംവിധാനം ചെയ്യുന്നു. ‘മനോഹരനും ജനകിയും’ എന്നാണ് ആദ്യ ചിത്രത്തിൻ്റെ പേര്. പുതുമുഖങ്ങൾക്ക് പ്രാധാന്യം നൽകുന്നതാണ് ഈ ചിത്രം.
ഈ ചിത്രത്തിൻ്റെ അണിയറ പ്രവർത്തകർ ഏറെയും പുതുമുഖങ്ങളാണ്.
‘ആരിബഡ’ എന്ന രണ്ടാമതു ചിത്രത്തിലെ നായകൻ ഷൈൻ നിഗംഗമാണ്.
നവാഗതനായ രതീഷ്.കെ രാജനാണ് മൂന്നാമതതു ചിത്രമായ ‘സ്റ്റാർട്ട് ആക്ഷൻ സാവിത്രി’ സംവിധാനം ചെയ്യുന്നത്.
നവ്യാനായരാണ് ഈ ചിത്രത്തിലെ കേന്ദ്ര കഥാപാത്രത്തെ അവതരിപ്പിക്കുന്നത്.
നാലാമതു ചിത്രം തരുൺ മൂർത്തി സംവിധാനം ചെയ്യുന്നു.
ടിനു പാപ്പച്ചനാണ് അഞ്ചാമതു ചിത്രമൊരുക്കുന്നത്.
പ്രശസ്ത സംവിധായകനായ ഭദ്രനാണ് ആറാമത്തെ ചിത്രം സംവിധാനം ചെയ്യുന്നത്.
ഈ ചിത്രങ്ങളുടെ അഭിനേതാക്കളേയും സാങ്കേതിക പ്രവർത്തകരേയും തിരക്കഥകൾ പൂർത്തിയാകുന്ന മുറയ്ക്ക് പ്രഖ്യാപിക്കുമെന്ന് സുരേഷ് ബാബു പറഞ്ഞു.

ഭദ്രൻ, ബ്ലെസ്സി, ബി.ഉണ്ണികൃഷ്ണൻ, എം.പന്മകുമാർ, എബ്രിഡ് ഷൈൻ, തരുൺ മൂർത്തി, അരുൺ ഗോപി, രതീഷ്.കെ.രാജൻ തുടങ്ങിയ സംവിധായകർ ആശംസകൾ നേർന്നു സംസാരിച്ചു.

വാർത്ത: വാഴൂർ ജോസ്.