കൊച്ചി : ഐ.എസ്.എല്‍ ഫുട്ബാളില്‍ നാളെ കേരള ബ്ളാസ്റ്റേഴ്സ് സീസണിലെ നാലാം മത്സരത്തിനിറങ്ങുന്നു.
കൊച്ചിയിലെ ഹോംഗ്രൗണ്ടില്‍ മുന്‍ ചാമ്ബ്യന്മാരായ മുംബയ് സിറ്റി എഫ്.സിയാണ് എതിരാളികള്‍.
കൊച്ചിയില്‍ നടന്ന സീസണിലെ ആദ്യ മത്സരത്തില്‍ ഈസ്റ്റ് ബംഗാളിനെ 3-1ന് തോല്‍പ്പിച്ച്‌ തുടങ്ങിയ ബ്ളാസ്റ്റേഴ്സ് അടുത്ത മത്സരത്തില്‍ ഇതേവേദിയില്‍ എ.ടി.കെ മോഹന്‍ ബഗാനോട് 2-5ന് തോറ്റിരുന്നു. തുടര്‍ന്ന് ആദ്യ എവേ മത്സരത്തില്‍ ഒഡീഷ എഫ്.സിയോട് 1-2നും തോല്‍ക്കേണ്ടിവന്നു. മൂന്ന് പോയിന്റ് മാത്രമുള്ള ബ്ളാസ്റ്റേഴ്സ് പട്ടികയില്‍ ഒന്‍പതാം സ്ഥാനത്താണ്.
അതേസമയം ആദ്യ മൂന്ന് മത്സരങ്ങളില്‍ ഒന്ന് ജയിക്കുകയും രണ്ടെണ്ണത്തില്‍ സമനില വഴങ്ങുകയും ചെയ്ത മുംബയ് സിറ്റി അഞ്ചുപോയിന്റുമായി നാലാം സ്ഥാനത്താണ്.
