രാഹുല് മാങ്കൂട്ടത്തിന്റെ ‘ഹൂ കേയേഴ്സിന്’ ഇരയായ യുവതിയുടെ മറുപടി ; സെക്രട്ടേറിയേറ്റില് എത്തി മുഖ്യമന്ത്രിക്ക് നേരിട്ട് പരാതി നല്കി ; ഭീഷണിപ്പെടുത്തി ഗര്ഭഛിദ്രത്തിന് വിധേയമാക്കിയെന്ന് പരാതി
പാലക്കാട്: ലൈംഗികാരോപണത്തില് ‘ഹൂ കേയേഴ്സ്’ എന്ന് ചോദിച്ച് ലഘൂകരിക്കാന് ശ്രമിച്ച കോണ്ഗ്രസിന്റെ യുവജന നേതാവ് രാഹുല്മാങ്കൂട്ടത്തില് എംഎല്എയ്ക്ക് കുരുക്ക് മുറുകുന്നു. യുവതി സെക്രട്ടേറിയേറ്റില് നേരിട്ടെത്തി മുഖ്യമന്ത്രിയെ നേരില് കണ്ട് പരാതി നല്കി. രാഹുല് മാങ്കൂട്ടത്തില് എംഎല്എയില് നിന്ന് തനിക്ക് നേരിട്ട ദുരനുഭവം വിവരിച്ചുകൊണ്ടുളള പരാതിയാണ് യുവതി മുഖ്യമന്ത്രിക്ക് നല്കിയത്. ഡിജിറ്റല് തെളിവുകള് ഉള്പ്പെടെ യുവതി പരാതിയ്ക്കൊപ്പം കൈമാറിയിട്ടുണ്ടെന്നാണ് വിവരം.
ഭീഷണിപ്പെടുത്തി ഗര്ഭഛിദ്രത്തിന് വിധേയമാക്കി എന്നാണ് യുവതി പരാതിയില് പറയുന്നത്. സമൂഹമാധ്യമങ്ങളിലെ അതിക്രമത്തിന് എതിരെയും പരാതി നല്കി. സമൂഹമാധ്യമങ്ങളില് വ്യക്തിഹത്യ നടക്കുന്നതായാണ് യുവതി പരാതിയില് പറയുന്നത്. പരാതി നല്കാനെത്തിയ യുവതി സെക്രട്ടറിയേറ്റില് മുഖ്യമന്ത്രിയുടെ ഓഫീസില് കുഴഞ്ഞുവീഴുകയും ചെയ്തു. ബന്ധുക്കള്ക്കൊപ്പം തിരുവനന്തപുരത്ത് സെക്രട്ടറിയേറ്റിലെത്തി മുഖ്യമന്ത്രിയെ നേരില്കണ്ടാണ് യുവതി പരാതി നല്കിയത്.
നേരത്തെ ഗര്ഭഛിദ്രം നടത്തിയതുമായി ബന്ധപ്പെട്ട് ശബ്ദരേഖകളും സന്ദേശങ്ങളും ആരോപണങ്ങളും പുറത്തുവന്നപ്പോള് രാഹുല് മാങ്കൂട്ടത്തില് പ്രതിരോധിച്ചത് ഏതെങ്കിലും രീതിയില് പരാതി എനിക്കെതിരെ ഉണ്ടോ?. ‘ഹൂ കെയേഴ്സ്’ എന്നായിരുന്നു രാഹുലിന്റെ ആദ്യ പ്രതികരണം. കഴിഞ്ഞ ദിവസം യുഡിഎഫ് സ്ഥാനാര്ത്ഥിക്കായി പ്രചാരണം നടത്തുന്നതിനിടെയും ശബ്ദരേഖകള് പുറത്തുവന്നിരുന്നു. സ്ഥാനാര്ത്ഥികള്ക്കും പാലക്കാട്ടുകാര്ക്കും ഇല്ലാത്ത പ്രശ്നം മാധ്യമങ്ങള്ക്ക് വേണ്ട എന്നായിരുന്നു ആക്ഷേപം.
