സെബാസ്റ്റിയന് ബിന്ദുവിനെ പള്ളിപ്പുറത്തെ വീട്ടിലിട്ട് കൊലപ്പെടുത്തി ; മൃതദേഹം പല കഷ്ണങ്ങളായി മുറിച്ച് പരിസരത്ത് സംസ്ക്കരിച്ചു ; ശേഷം അസ്ഥിക്കഷ്ണങ്ങള് എടുത്ത് തണ്ണീര്മുക്കം ബണ്ടില് കൊണ്ടിട്ടു
ആലപ്പുഴ: ചേര്ത്തല ബിന്ദു പത്മനാഭന് തിരോധാനക്കേസില് ബിന്ദുവിന്റെ അസ്ഥികള് ഉപേക്ഷിച്ചത് തണ്ണീര്മുക്കം ബണ്ടിലാണെന്ന് പ്രതി സെബാസ്റ്റിയന്റെ മൊഴി. ജെയിനമ്മ കൊലക്കേസുമായി ബന്ധപ്പെട്ട ചോദ്യം ചെയ്യലിനിടെയായിരുന്നു ബിന്ദു പത്മനാഭനെ കൊലപ്പെടുത്തിയത് സംബന്ധിച്ച് സെബാസ്റ്റ്യനില് നിന്നും വിവരങ്ങള് ലഭിക്കുന്നത്.
പള്ളിപ്പുറത്തെ വീട്ടില് വെച്ച് കൊലപ്പെടുത്തിയ ശേഷം മൃതദേഹം പല കഷണങ്ങളാക്കി കുഴിച്ചിട്ടു. മാസങ്ങള് കഴിയുമ്പോള് അസ്ഥിക്കഷ്ണങ്ങള് മാന്തിയെടുത്ത് കത്തിച്ച ശേഷം മറ്റൊരു സ്ഥലത്ത് കൊണ്ടുപോയി കളയുന്നതായിരുന്നു സെബാസ്റ്റിയന് ചെയ്തിരുന്നത്. ബിന്ദുപത്മനാഭനെയും പള്ളിപ്പുറത്തെ വീട്ടിലിട്ട് കൊലപ്പെടുത്തിയ ശേഷം മൃതദേഹം കഷണങ്ങളാക്കി സംസ്ക്കരിക്കുകയും പിന്നീട് അവശിഷ്ടങ്ങള് കുഴിച്ചെടുത്ത് കത്തിച്ച ശേഷം തണ്ണീര്മുക്കം ബണ്ടില് കൊണ്ടുപോയി കളയുകയായിരുന്നെന്നാണ് നല്കിയിട്ടുള്ള മൊഴി. ഇതേ തുടര്ന്ന് സെബാസ്റ്റിയനെ പള്ളിപ്പുറത്തെ വീട്ടിലും തണ്ണീര്മുക്കം ബണ്ടിലും എത്തിച്ച്് തെളിവെടുക്കും.
സെബാസ്റ്റിയനെ ആലപ്പുഴ ക്രൈംബ്രാഞ്ച് കസ്റ്റഡിയിലെടുത്ത് ചോദ്യം ചെയ്തുവരികയാ യിരുന്നു. സെബാസ്റ്റ്യന്റെ പള്ളിപ്പുറത്തെ വീട്ടില് നിന്നും എട്ട് കിലോമീറ്റര് മാത്രമാണ് തണ്ണീര്മുക്കം ബണ്ടിലേക്ക് ഉള്ളത്. ജെയ്നമ്മ കേസില് റിമാന്ഡില് കഴിയുമ്പോഴാണ്് ബിന്ദു തിരോധാനക്കേസില് സെബാസ്റ്റ്യന്റെ അറസ്റ്റ് ജയിലില് എത്തി ക്രൈംബ്രാഞ്ച് രേഖപ്പെടു ത്തിയത്. 2006 ലാണ് ബിന്ദു പത്മനാഭനെ കാണാതാവുന്നത്. 2017 ലാണ് സഹോദരന് ബിന്ദുവിനെ കാണാനില്ലെന്ന് കാട്ടി പൊലീസില് പരാതി നല്കുന്നത്.
ഇതിനിടെ ബിന്ദുവിന്റെ സ്ഥലം വ്യാജരേഖ ചമച്ച് വില്പ്പന നടത്തിയതിന് സെബാസ്റ്റ്യന് അറസ്റ്റിലായിരുന്നു. ഇയാളുമായി ബിന്ദുവിന് അടുത്ത ബന്ധം ഉണ്ടായിരുന്നു എന്ന് പൊലീസ് കണ്ടെത്തുകയായിരുന്നു. ബിന്ദു കേസില് സെബാസ്റ്റ്യന് സംശയമുനയില് ഉണ്ടായിരു ന്നെങ്കിലും ഇയാള്ക്കെതിരെ തെളിവുകള് കണ്ടെത്താനായിരുന്നില്ല. പിന്നീട് ജെയ്നമ്മ കേസില് സെബാസ്റ്റ്യന് അറസ്റ്റിലായതോടെയാണ് മറ്റുതിരോധാനക്കേസുകളെ സംബന്ധിച്ച് പുനഃരന്വേഷണം തുടങ്ങിയത്.
