Breaking NewsKeralaLead News
മത്സ്യതൊഴിലാളികള് പ്രതീക്ഷയില്: ട്രോളിങ് നിരോധനം ഇന്ന് അവസാനിക്കും; 52 ദിവസത്തെ ഇടവേളയ്ക്ക് ശേഷം ബോട്ടുകള് ഇന്ന് കടലിലിറങ്ങും
തിരുവനന്തപുരം: സംസ്ഥാനത്തെ ട്രോളിങ് നിരോധനം ഇന്ന് (ജൂലൈ 31) അര്ദ്ധരാത്രിയോടെ അവസാനിക്കും. 52 ദിവസത്തെ ഇടവേളയ്ക്ക് ശേഷമാണ് മത്സ്യ ബന്ധന ബോട്ടുകള് കടലിലിറങ്ങുന്നത്. കഴിഞ്ഞ രണ്ടു ദിവസങ്ങളിലായി കടലില് പോയ പരമ്പരാഗത മത്സ്യത്തൊഴിലാളികള്ക്ക് പലയിടത്തു നിന്നും ലഭിച്ച ചാകര തുടരുമെന്ന പ്രതീക്ഷയും മത്സ്യത്തൊഴിലാളികള്ക്ക് ഉണ്ട്.
ട്രോളിങ് നിരോധനത്തോടുകൂടി അറ്റകുറ്റപ്പണികള് പൂര്ത്തിയാക്കി മത്സ്യബന്ധന ഉപകരണങ്ങള് ബോട്ടുകളില് ഘടിപ്പിക്കുന്ന തിരക്കിലാണ് മത്സ്യത്തൊഴിലാളികള്.
മുനമ്പം, വൈപ്പിന് ഹാര്ബറുകളിലായി എഴുന്നൂറോളം ബോട്ടുകളാണ് തയ്യാറെടുപ്പുകള് പൂര്ത്തിയാക്കി കാത്തിരിക്കുന്നത്. സംസ്ഥാനത്ത് കഴിഞ്ഞ ജൂണ് 10 മുതലാണ് ട്രോളിങ് നിരോധനം ആരംഭിച്ചത്. ഐസ് പ്ലാന്റുകളില് നിന്ന് ഐസ് ബ്ലോക്കുകളും കയറ്റി തുടങ്ങി.
