അടുത്ത കാലത്ത് ഷൈന് ടോം ചാക്കോയ്ക്കെതിരെ ഉയര്ത്തിയ ആരോപണങ്ങളെ തുടര്ന്ന് വാര്ത്തകളില് ഇടംപിടിച്ച താരമാണ് വിന്സി അലോഷ്യസ്. മുന്പ് സംസ്ഥാന ചലച്ചിത്ര അവാര്ഡ് ലഭിച്ചതിന് പിന്നാലെ വിന്സി അലോഷ്യസ് തന്റെ പേര് വിന്സി എന്നാക്കി മാറ്റിയിരുന്നു. അവാര്ഡ് നേട്ടത്തെ അഭിനന്ദിച്ച് വാട്സാപ്പില് അയച്ച സന്ദേശത്തില് മമ്മൂട്ടി അങ്ങനെ വിളിച്ചുവെന്നാണ് വിന് സി പറഞ്ഞിരുന്നത്. എന്നാല്, പിന്നീട് ഇതിന് പിന്നില് മമ്മൂട്ടിയാണെന്ന് താന് തെറ്റിദ്ധരിച്ചതാണെന്നും നടി വെളിപ്പെടുത്തിയത് ചര്ച്ചയായിരുന്നു.
ഇപ്പോഴിതാ പേര് മാറ്റത്തിന് പിന്നിലെ കഥയില് വീണ്ടും ട്വിസ്റ്റുമായി വന്നിരിക്കുകയാണ് വിന്സി. മമ്മൂട്ടി തന്നെയായിരുന്നു മെസേജ് അയച്ചതെന്നും ആ നമ്പര് നിര്മ്മാതാവായ ജോര്ജിന് അയച്ച് താന് ഉറപ്പു വരുത്തിയെന്നുമാണ് നടി ഇപ്പോള് പറയുന്നത്. അതിന്റെ തെളിവുകള് തന്റെ ഫോണിലുണ്ടെന്നും വിന് സി വ്യക്തമാക്കി. സൂത്രവാക്യം എന്ന ചിത്രത്തിന്റെ പ്രമോഷനുമായി ബന്ധപ്പെട്ട് യു ട്യൂബ് ചാനലിന് നല്കിയ അഭിമുഖത്തിലാണ് വിന്സി ഇക്കാര്യം വെളിപ്പെടുത്തിയത്.
വിന്സി പറയുന്നതിങ്ങനെ:
കണ്ണൂര് സ്ക്വാഡിന്റെ തീയേറ്ററിലെ ആഘോഷങ്ങളുടെ ചിത്രങ്ങള് അയച്ചുകൊടുക്കാന് ഒരാള് എനിക്ക് മമ്മൂക്കയുടെ നമ്പര് തന്നിരുന്നു. വിളിച്ചു ബുദ്ധിമുട്ടിക്കേണ്ടെന്ന് കരുതിയാണ് മെസേജ് അയച്ചത്. ഇടയ്ക്ക് ഇടയ്ക്ക് ഞാനെന്റെ ഓരോ അപ്ഡേറ്റ്സ് കൊടുത്തിരുന്നു.ഫിലിം ഫെയര് അവാര്ഡ് വേദിയിലേക്ക് മമ്മൂക്ക വന്നിരുന്നു. സ്റ്റേജില് ഞാന് വളരെ എക്സൈറ്റഡായി, മമ്മൂക്കയ്ക്ക് മെസേജ് അയച്ചിരുന്നുവെന്നും അദ്ദേഹമാണ് എന്നെ വിന് സി എന്ന് വിളിച്ചത് എന്നൊക്കെ പറഞ്ഞു. അവിടെ ഇരുന്ന മമ്മൂക്ക, ഞാന് അറിഞ്ഞിട്ടില്ല, അങ്ങനെ മെസേജ് അയച്ചിട്ടില്ല എന്നൊക്കെ പറഞ്ഞു.അപ്പോ പണി പാളി, വേറെ ആരെങ്കിലുമാവും എന്ന് ഞാന് കരുതി.
ഈ നമ്പറിലേക്ക് ഇനി മെസേജ് അയക്കേണ്ട എന്ന് കരുതി വിട്ടു. അങ്ങനെ ഒരു അഭിമുഖത്തില് ചോദിച്ചപ്പോള് എന്തിനാണ് മമ്മൂക്കയുടെ പേര് വലിച്ചിഴയ്ക്കുന്നേ എന്ന് ആലോചിച്ച്, അത് അദ്ദേഹമല്ല വേറെ ആരോ ആണെന്ന് പറഞ്ഞു.പിന്നീട് അത് ട്രോളായി. പിന്നീട് ആ നമ്പറില്നിന്ന് തന്നെ എനിക്ക് മെസേജ് വന്നു, വിന്സി എന്നുതന്നെ ഇരിക്കട്ടെ എന്ന് പറഞ്ഞ്. തനിക്ക് മതിയായില്ലല്ലേ, എന്നൊക്കെ എനിക്ക് ഉള്ളില് തോന്നി. ഞാന് അങ്ങനെ വിളിച്ചോ എന്നൊക്കെ വീണ്ടും ഉരുണ്ടുകളിക്കുന്നതുകണ്ട്, പൊട്ടന് കളിക്കുകയാണോ എന്ന് എനിക്ക് തോന്നി. എന്താണ് ഈ സംഗതി എന്ന് മനസിലാവാതെ ഞാന് നമ്പര് സ്ക്രീന്ഷോട്ട് ചെയ്ത് ജോര്ജേട്ടന് മെസേജ് അയച്ചു. ഇത് ആരുടെ നമ്പറാണെന്ന് ചോദിച്ചപ്പോള്, മമ്മൂക്കയുടെ എന്ന് അദ്ദേഹം പറഞ്ഞു.
അപ്പോള് ഇത്രേം കാലം ഉണ്ടാക്കിയ കഥകള് ഒക്കെ എവിടെ എന്ന് എനിക്ക് അറിഞ്ഞൂടാ. മമ്മൂക്കാ വല്ലാത്തൊരു ചെയ്ത്തായിപ്പോയി എന്ന് ഞാന് പറഞ്ഞു. ഡിസപ്പിയറിങ് മെസേജ് എന്തോ ഉണ്ടല്ലോ, പുള്ളിക്ക് ഇതൊന്നും ഓര്മയില്ല. പിന്നീട് ഞാന് ഡിസപ്പിയറിങ് മെസേജ് ഓഫ് ചെയ്തുവെച്ചു. മമ്മൂക്കാ, ഇതുകാരണമാണ് ഞാന് പോരൊക്കെ മാറ്റിയത് എന്ന് പറഞ്ഞപ്പോള്, സോറി ഞാന് മറന്നുപോയി എന്ന് പറഞ്ഞു.ഇതാണ് കഥ. തെളിവുവേണമെങ്കില് എന്റെ ഫോണിലുണ്ട്.
