കൃത്യം നടത്തിയതിന് പിന്നാലെ ഇയാള് ഇരൂളിലെ സ്വന്തം വീട്ടുവളപ്പില് ജീവനൊടുക്കുകയും ചെയ്തു.ഞായറാഴ്ച രാവിലെയാണ് പയ്യന്നൂർ അന്നൂരിലെ വീട്ടില് അനിലയെ കൊല്ലപ്പെട്ട നിലയില് കണ്ടെത്തിയത്. ഈ വീട്ടുകാർ വിനോദ യാത്രയ്ക്ക് പോയതിനെ തുടർന്നാണ് വീട്ടുടമയുടെ സുഹൃത്തായ ഷിജു ഇവിടെയെത്തിയത്. വീട് നോക്കാനും വീട്ടിലെ രണ്ട് നായ്ക്കളെ പരിപാലിക്കാനും വീട്ടുടമ ഷിജുവിനെ ചുമതലപ്പെടുത്തിയിരുന്നു. ഇതിനിടെയാണ് ഷിജു സുഹൃത്തായ അനിലയെ ഇവിടേക്ക് വിളിച്ചുവരുത്തിയെന്നും തുടർന്ന് യുവതിയെ കൊലപ്പെടുത്തിയെന്നുമാണ് പ്രാഥമിക നിഗമനം.
അനിലയും ഷിജുവും സ്കൂളില് ഒരുമിച്ച് പഠിച്ചവരാണെന്നാണ് വിവരം. രണ്ടുപേരും വിവാഹിതരാണ്. ഇരുവർക്കും രണ്ടുമക്കളുമുണ്ട്. അനിലയും ഷിജുവും ഇതിനിടെ അടുക്കുകയായിരുന്നു. ഇതുസംബന്ധിച്ച് പല പ്രശ്നങ്ങളുമുണ്ടായി. ബന്ധത്തില്നിന്ന് പിന്മാറാൻ ബന്ധുക്കളടക്കം നിർബന്ധിച്ചു.ഭർത്താവ് ആദ്യം എതിർത്തെങ്കിലും ബന്ധുക്കളുടെ നിർബന്ധത്തിന് വഴങ്ങി ക്ഷമിച്ചു.
മരിച്ച അനില മാതമംഗലത്തെ സ്വകാര്യ സ്ഥാപനത്തില് ജോലിചെയ്തുവരികയായിരുന്നു. ശനിയാഴ്ച അനിലയെ കാണാതായതിനെ തുടർന്ന് ഭർത്താവ് പെരിങ്ങോം പോലീസില് പരാതി നല്കിയിരുന്നു. ഇതിനിടെയാണ് ഞായറാഴ്ച രാവിലെ യുവതിയെ അന്നൂരിലെ വീട്ടില് കൊല്ലപ്പെട്ടനിലയില് കണ്ടെത്തിയത്.
അന്നൂരില്നിന്ന് 22 കിലോമീറ്ററോളം അകലെയുള്ള ഇരൂളിലെ വീട്ടുവളപ്പിലാണ് ഷിജുവിനെ തൂങ്ങിമരിച്ച നിലയില് കണ്ടത്. ഞായറാഴ്ച രാവിലെ ഇയാളുടെ സഹോദരൻ ടാപ്പിങ്ങിനായി പോയ സമയത്താണ് വീട്ടുവളപ്പിലെ മരത്തില് തൂങ്ങിയനിലയില് ഷിജുവിന്റെ മൃതദേഹം കണ്ടത്. സംഭവത്തില് പരിയാരം പോലീസ് അന്വേഷണം തുടരുകയാണ്.
യുവതിയുടെ മരണവുമായി ബന്ധപ്പെട്ട് പയ്യന്നൂർ സ്റ്റേഷനിലും യുവാവിന്റെ മരണത്തില് പരിയാരം സ്റ്റേഷനിലും കേസെടുത്തിട്ടുണ്ടെന്നും അന്വേഷണം തുടരുകയാണെന്നും സ്ഥലത്തെത്തിയ തളിപ്പറമ്ബ് ഡിവൈ.എസ്.പി. പി. പ്രമോദ് മാധ്യമങ്ങളോട് പറഞ്ഞു.