![](https://newsthen.com/wp-content/uploads/2024/04/Screenshot_2024-04-25-20-53-24-22_a71c66a550bc09ef2792e9ddf4b16f7a2.jpg)
തിരഞ്ഞെടുപ്പ് കഴിഞ്ഞാല് ഇപി ജയരാജന് ബിജെപിയിലേക്ക് പോകുമെന്നും സുധാകരന് പറഞ്ഞു.
പാര്ട്ടിയില് ഇപി ജയരാജന് അസ്വസ്ഥനാണ്. ഗള്ഫില് വെച്ചാണ് ഇപി, ബിജെപിയുമായി ചര്ച്ചനടത്തിയത്. സിപിഐഎം നേതൃത്വം ഭീഷണിപ്പെടുത്തിയതോടെ ഇപി പിന്വലിഞ്ഞു. ഇപിയ്ക്ക് മഹാരാഷ്ട്ര ഗവര്ണര് പദവി വാഗ്ദാനം ചെയ്തു. എംവി ഗോവിന്ദന് പാര്ട്ടി സെക്രട്ടറി ആയതില് ഇപിക്ക് നിരാശയുണ്ട്. സെക്രട്ടറി പദവി ഇപി പ്രതീക്ഷിച്ചിരുന്നു എന്നും കെ സുധാകരന് പറഞ്ഞു.
![Signature-ad](https://newsthen.com/wp-content/uploads/2024/06/signature.jpg)
അതേസമയം തനിക്കെതിരെയുള്ള കെ സുധാകരൻറെ ആരോപണങ്ങള്ക്ക് മറുപടിയുമായി എല്ഡിഎഫ് കണ്വീനർ ഇപി ജയരാജൻ രംഗത്ത്. കെ സുധാകരനാണ് ബിജെപിയിലേക്ക് പോകാൻ തയ്യാറായി നില്ക്കുന്നതെന്നും നേരത്തെ സുധാകരൻ ബിജെപിയിലേക്ക് പോകാൻ വണ്ടി കയറി ചെന്നൈയിലെത്തിയതാണെന്നും കോണ്ഗ്രസ് നേതാക്കള് ഇടപെട്ട് തിരിച്ചയക്കുകയായിരുന്നുവെന്നും ഇപി ജയരാജൻ തുറന്നടിച്ചു.
എനിക്ക് ബിജെപിയില് പോകേണ്ട ആവശ്യമില്ല. ഞാൻ ആർഎസ്എസുക്കാർക്കെതിരെ പോരാടി വന്ന നേതാവാണ്. അവർ എന്നെ പല തവണ വധിക്കാൻ ശ്രമിച്ചതാണ്. ഞാൻ ദുബായിയില് പോയിട്ട് വര്ഷങ്ങളായി.മന്ത്രിയായപ്പോഴാണ് അവസാനം പോയത്. നിലവാരമില്ലാത്തവർ പറഞ്ഞതിനെ കുറിച്ച് ചോദിക്കരുതെന്നും ജനങ്ങള് വിശ്വസിക്കില്ലെന്നും ഇപി ജയരാജൻ പറഞ്ഞു.
അമിത് ഷായെ കണ്ട് ബിജെപിയില് പോകാൻ സുധാകരൻ നീക്കം നടത്തി. ചെന്നെയിലെ ബിജെപി നേതാവ് രാജ ക്ഷണിച്ചെന്ന് സുധാകരൻ തന്നെ വെളിപ്പെടുത്തിയിട്ടുണ്ട്. ബിജെപിയിലേക്ക് പോകാൻ സുധാകരൻ തയ്യാറെടുത്തു കഴിഞ്ഞു.സുധാകരൻ ഇന്നലെ മരുന്ന് കഴിച്ചില്ലെന്നു തോന്നുന്നു. അതാണ് താൻ ബിജെപിയിലേക്ക് പോകുമെന്ന് പറഞ്ഞതെന്നും ഇപി പരിഹസിച്ചു.