കോഴിക്കോട്:അത്തോളിയില്‍ നിയന്ത്രണംവിട്ട കാര്‍ ഓട്ടൗറിക്ഷയിലിടിച്ചുണ്ടായ അപകടത്തില്‍ വീട്ടമ്മയ്ക്ക് ദാരുണാന്ത്യം.
പന്തീരാങ്കാവ് കൊടല്‍ നടക്കാവ് സ്വദേശി മണ്ണാരാംകുന്നത്ത് എലാളാത്ത് മേത്തല്‍ അജിതയാണ് (56) മരിച്ചത്. ഭര്‍ത്താവിനൊപ്പം ഓട്ടോറിക്ഷയില്‍ യാത്ര ചെയ്യുമ്ബോഴായിരുന്നു അപകടം.
വീട്ടമ്മയും ഭര്‍ത്താവും കോഴിക്കോട്ടുനിന്നും അത്തോളി ഭാഗത്തേക്ക് വരുമ്ബോള്‍ എതിരെനിന്നും വന്ന കാര്‍ ഇവര്‍ സഞ്ചരിച്ച വാഹനത്തില്‍ ഇടിക്കുകയായിരുന്നു. അജിതയെ ഉടന്‍തന്നെ ആശുപത്രിയിലെത്തിച്ചെങ്കിലും രക്ഷിക്കാനായില്ല.
സംഭവത്തിൽ അജിതയുടെ ഭര്‍ത്താവ് പുഷ്പാകരനും ഓട്ടോറിക്ഷാ ഡ്രൈവര്‍ വിനോദിനും പരുക്കേറ്റു. ഇവരെ കോഴിക്കോട് മെഡിക്കല്‍ കോളജ് ആശുപത്രിയില്‍ പ്രവേശിപ്പിച്ചിരിക്കുകയാണ്.
