![](https://newsthen.com/wp-content/uploads/2024/03/Screenshot_2024-03-24-16-15-20-55_a71c66a550bc09ef2792e9ddf4b16f7a2.jpg)
കൊച്ചി: എറണാകുളത്തെ ലേക് ഷോര് ആശുപത്രിയില് ചികിത്സക്കെത്തിയ കണ്ണൂര് സ്വദേശി ടോറസ് ലോറി ഇടിച്ച് മരിച്ചു.
കണ്ണൂര് സ്വദേശി അബ്ദുള് സത്താര് (55) ആണ് മരിച്ചത്. രാവിലെ ദേശീയപാതയില് കൊച്ചി നെട്ടൂരില് ലേക് ഷോര് ആശുപത്രിക്ക് സമീപമായിരുന്നു അപകടം. സംഭവത്തില് ആലപ്പുഴക്കാരനായ ടോറസ് ഡ്രൈവറെ പൊലീസ് കസ്റ്റഡിയിലെടുത്തു. ടോറസ് ലോറിയും പൊലീസ് കസ്റ്റഡിയിലെടുത്തിട്ടുണ്ട്.
![Signature-ad](https://newsthen.com/wp-content/uploads/2024/06/signature.jpg)
വൃക്ക മാറ്റിവെക്കല് ശസ്ത്രക്രിയക്കായാണ് അബ്ദുള് സത്താര് ലേക് ഷോറിലെത്തിയത്. ഇന്ന് രാവിലെ നടക്കാനിറങ്ങിയ സത്താറിനെ ആലപ്പുഴ ഭാഗത്തേക്ക് പോവുകയായിരുന്ന ടോറസ് ലോറി ഇടിച്ചിടുകയായിരുന്നു. സത്താര് സംഭവ സ്ഥലത്ത് വെച്ച് തന്നെ മരിച്ചു.