![](https://newsthen.com/wp-content/uploads/2024/02/Screenshot_2024-02-20-17-38-18-50_a71c66a550bc09ef2792e9ddf4b16f7a2.jpg)
കോഴിക്കോട്: എടവണ്ണപ്പാറയില് ഹയർ സെക്കൻഡറി സ്കൂള് വിദ്യാർത്ഥിനി പുഴയില് മുങ്ങിമരിച്ച സംഭവത്തില് ദുരൂഹത ആരോപിച്ചു നാട്ടുകാർ.
വെട്ടത്തൂർ സ്വദേശി വളച്ചിട്ടിയില് സിദ്ദിഖിന്റെ മകള് സന ഫാത്തിമയെയാണ് (17) ചാലിയാർ പുഴയില് മരിച്ചനിലയില് കണ്ടെത്തിയത്. ഇന്നലെ രാത്രി ഏഴ് മണിയോടെയാണു സംഭവം.
![Signature-ad](https://newsthen.com/wp-content/uploads/2024/06/signature.jpg)
കുട്ടിയെ കാണാതായ രക്ഷിതാക്കളും നാട്ടുകാരും നടത്തിയ തിരച്ചിലിലാണ് പുഴയില് ദുരൂഹ സാഹചര്യത്തില് സനയുടെ മൃതദേഹം കണ്ടത്. ഉടനെ വാഴക്കാട് സ്വകാര്യ ആശുപത്രിയില് പ്രവേശിപ്പിച്ചങ്കിലും ജീവൻ നഷ്ടമായിരുന്നു. പഠിക്കാൻ മിടുക്കിയായ വിദ്യാർത്ഥിനിയുടെ മരണത്തില് ദുരൂഹതയുണ്ടെന്നും അന്വേഷണം നടത്തണമെന്നുമാണ് നാട്ടുകാരുടെ ആവശ്യം.