![](https://newsthen.com/wp-content/uploads/2024/01/Screenshot_2024-01-27-20-31-35-48_a71c66a550bc09ef2792e9ddf4b16f7a2.jpg)
ബ്രിട്ടീഷ് എണ്ണക്കപ്പലായ മര്ലിൻ ലൂണ്ടയ്ക്ക് നേരെയാണ് ആക്രമണമുണ്ടായത്. ഈ കപ്പലിലെ ജീവനക്കാരില് 22 പേരും ഇന്ത്യക്കാരാണ്. ആക്രമണത്തിന് പിന്നാലെ അടിയന്തിര സന്ദേശം ലഭിച്ചതിനെ തുടര്ന്നാണ് ഇന്ത്യന് നാവിക സേനയുടെ മിസൈല് നശീകരണ ശേഷിയുള്ള പടക്കപ്പല് ഐഎന്എസ് വിശാഖപട്ടണം സഹായവുമായി എത്തിയത്.
![Signature-ad](https://newsthen.com/wp-content/uploads/2024/06/signature.jpg)
മിസൈല് ആക്രമണത്തില് ചരക്ക് കപ്പലിന് തീപിടിച്ചിരുന്നു. ഇത് നിയന്ത്രണ വിധേയമാക്കാനുള്ള പ്രവര്ത്തനങ്ങളിലും ഇന്ത്യന് നാവിക സേനാ കപ്പല് പങ്കാളികളായി. യെമനിലെ ഹൂതികളാണ് കപ്പലിന് നേരെ മിസൈല് ആക്രമണം നടത്തിയതെന്നാണ് റിപ്പോര്ട്ടുകള്.
ഇസ്രയേല് – ഹമാസ് യുദ്ധം തുടരുന്നതിനിടെ യെമനിലെ ഹൂതി വിമതർ ചെങ്കടലിലൂടെ സഞ്ചരിക്കുന്ന ചരക്ക് കപ്പലുകളെ ആക്രമിക്കുന്നത് തുടരുകയാണ്. ഇത്തരം സംഭവങ്ങളില് ശക്തമായ നടപടി സ്വീകരിക്കാന് ഇന്ത്യന് സേനയ്ക്ക് സേനാ മേധാവി നിര്ദേശം നല്കിയിട്ടുണ്ട്.
ജനുവരി 18നും ഇതേപോലൊരു ഇടപെടൽ ഐ.എന്.എസ് വിശാഖപട്ടണം നടത്തിയിരുന്നു.