ജപ്പാൻ ഭൂകമ്പത്തോടൊപ്പം ജീവിക്കാൻ പഠിച്ചതിനു പിന്നിലെ വിജയഗാഥ അറിയൂ, ഭൂമി ശക്തമായി കുലുങ്ങിയിട്ടും നാശനഷ്ടങ്ങൾ കുറവ്

     ഏകദേശം 13 വർഷം മുമ്പ് ജപ്പാനിൽ ശക്തമായ ഭൂകമ്പം ഉണ്ടായി, പിന്നാലെ സുനാമിയും. ഫുകുഷിമയിലെ ആണവനിലയത്തിലും അപകടം സംഭവിച്ചു. ജപ്പാനിലെ ജനങ്ങളുടെ മനസിൽ ഇപ്പോഴും ഈ സംഭവം തങ്ങി നിൽപ്പുണ്ട്. തിങ്കളാഴ്ച വീണ്ടും ആ ദുരന്തം ആളുകളെ ഓർമിപ്പിച്ചു. ശക്തമായ ഭൂകമ്പത്തിൽ ജപ്പാനിലെ പ്രദേശങ്ങൾ കുലുങ്ങി, സുനാമി മുന്നറിയിപ്പുമെത്തി. പക്ഷേ ഈ മുന്നറിയിപ്പുകൾ ജപ്പാനിൽ അസാധാരണമല്ല. രാജ്യത്ത് അടിക്കടി ഉണ്ടാകുന്ന ഭൂകമ്പങ്ങൾ ജനജീവിതത്തിന്റെ ഭാഗമായി മാറിയിട്ടുണ്ട്.

2011ൽ രണ്ട് മിനിറ്റ് ഭൂമി കുലുങ്ങിയപ്പോൾ

പുതുതലമുറ 2011 മാർച്ച് 11 ന്, ജീവിതത്തിലെ ഏറ്റവും വലിയ ഭൂകമ്പത്തെ അഭിമുഖീകരിച്ചു. രണ്ട് മിനിറ്റോളം പ്രദേശങ്ങൾ കുലുങ്ങി. 40 മിനിറ്റിനുള്ളിൽ, ജപ്പാന്റെ വടക്കുകിഴക്കൻ തീരത്ത് നൂറുകണക്കിന് കിലോമീറ്റർ കടലിന് ചുറ്റുമുള്ള മതിലുകൾ തകർത്ത് നഗരങ്ങളിലും ഗ്രാമങ്ങളിലും തിരമാലകൾ ആഞ്ഞടിച്ചു. ആണവ നിലയവും അപകടത്തിലാണെന്ന  ഭയാനകമായ വാർത്തയും ഈ സമയത്ത് പുറത്തുവന്നു.

ഫുകുഷിമയിലെ ദശലക്ഷക്കണക്കിന് ആളുകളോട് വീടുകൾ വിട്ടുപോകാൻ ഉത്തരവു വന്നു. ടോക്കിയോ പോലും സുരക്ഷിതമായിരുന്നില്ല. ഈ ദിവസത്തെ സംഭവങ്ങൾ ജനങ്ങളെ ആഴത്തിൽ ഞെട്ടിച്ചു.

2011-ലെ ഭയം ഈ തിങ്കളാഴ്ച തിരിച്ചെത്തി, എന്നാൽ ഏറ്റവും പുതിയ ഭൂകമ്പം ജപ്പാന്റെ വിജയത്തിന്റെ ശ്രദ്ധേയമായ കഥയും പറയുന്നു. തിങ്കളാഴ്ച, ഇഷികാവയിൽ ഭൂകമ്പം ഏഴ് തവണ ഉണ്ടായി. നിരവി റോഡുകളും പാലങ്ങളും തകർന്നു. വൻതോതിൽ മണ്ണിടിച്ചിലിന് കാരണമായെങ്കിലും ഭൂരിഭാഗം കെട്ടിടങ്ങൾക്കും ഇപ്പോഴും ഒന്നും പറ്റിയിട്ടില്ല. ടോയാമ, കനസാവ തുടങ്ങിയ വലിയ നഗരങ്ങളിൽ സാധാരണ ജീവിതം വീണ്ടും ട്രാക്കിലായി.

കെട്ടിടങ്ങൾക്ക് നിയമങ്ങൾ

ഒരു നൂറ്റാണ്ടിനുമുമ്പ് 1923-ൽ ടോക്കിയോയിൽ വിനാശകരമായ ഭൂകമ്പം ഉണ്ടായപ്പോൾ ആരംഭിച്ച എഞ്ചിനീയറിംഗ് വിജയത്തിന്റെ അസാധാരണമായ കഥയാണ് ജപ്പാന് പറയാനുള്ളത്. അന്നത്തെ സംഭവത്തിൽ നഗരത്തിന്റെ വലിയൊരു ഭാഗം നിരപ്പായി. യൂറോപ്യൻ ശൈലിയിൽ നിർമ്മിച്ച ആധുനിക ഇഷ്ടിക കെട്ടിടങ്ങൾ തകർന്നു. ഈ അപകടത്തിന് ശേഷം, ജപ്പാനിലെ ആദ്യത്തെ ഭൂകമ്പ പ്രതിരോധ കെട്ടിട നിയമങ്ങൾ പ്രാബല്യത്തിലായി. അന്നുമുതൽ, എല്ലാ പുതിയ കെട്ടിടങ്ങൾക്കും സ്റ്റീൽ, കോൺക്രീറ്റ് ഉപയോഗം നിർബന്ധമായി. അതേ സമയം, തടി കെട്ടിടങ്ങൾക്ക് കട്ടിയുള്ള തൂണുകളും നിർബന്ധമാക്കി.

ഓരോ തവണയും രാജ്യം വലിയ ഭൂകമ്പം നേരിടുമ്പോൾ, നാശനഷ്ടങ്ങൾ വിലയിരുത്തുകയും ഈ നിയമങ്ങൾ മാറ്റുകയും ചെയ്യുന്നു. 1981-ൽ ഏറ്റവും വലിയ മാറ്റങ്ങൾ കണ്ടു. 2011ൽ 9.0 തീവ്രത രേഖപ്പെടുത്തിയ ഭൂകമ്പത്തിന് ശേഷമാണ് ഈ നടപടികളുടെ വിജയം കണ്ടത്. 1923-ൽ ജപ്പാന്റെ തലസ്ഥാനത്ത് അനുഭവപ്പെട്ട അതേ തരത്തിലുള്ള ഭൂകമ്പമായിരുന്നു 2011 ലും സംഭവിച്ചത്. 1923-ൽ നഗരം നിരപ്പാക്കുകയും 1.4 ലക്ഷം പേർ കൊല്ലപ്പെടുകയും ചെയ്തു. 2011ൽ ജനാലകൾക്ക് കേടുപാടുണ്ടായി എങ്കിലും മിക്കവാറും വലിയ കെട്ടിടങ്ങളൊന്നും തകർന്നില്ല. ഭൂകമ്പത്തിൽ ആരും മരിച്ചില്ലെങ്കിലും ആയിരക്കണക്കിന് ആളുകളെ കൊന്നൊടുക്കിയത് സുനാമി മാത്രമാണ്.