ലോകത്തിലെ ഏറ്റവും നീളം കൂടിയ 12 -മത്തെ കടല്‍പ്പാലമാണ് മുംബൈ ട്രാൻസ് ഹാര്‍ബര്‍ ലിങ്ക്.22 കിലോമീറ്ററാണ് കടല്‍പ്പാലത്തിന്റെ നീളം. തെക്കൻ മുംബൈയിലെ ശിവരിയില്‍ നിന്നാരംഭിച്ച്‌ താനെ ക്രീക്ക് വഴി നവി മുബൈയ്‌ക്ക് സമീപം ചിര്‍ലെയിലാണ് പാലം അവസാനിക്കുന്നത്.
2018 ലാണ് മുംബൈ ട്രാൻസ് ഹാര്‍ബര്‍ ലിങ്കിന്റെ പണികള്‍ ആരംഭിച്ചത്. 17,843 കോടി രൂപ ചെലവില്‍ നിര്‍മ്മിച്ച ഈ ആറുവരി പാലം രാജ്യത്തെ ഏറ്റവും ചെലവേറിയ പദ്ധതികളിലൊന്നാണ്.
പ്രതിദിനം 70,000 വാഹനങ്ങള്‍ ഇതുവഴി കടന്നുപോകുമെന്നാണ് പ്രതീക്ഷിക്കുന്നത്. 100 കിലോമീറ്റര്‍ വേഗതയില്‍ ഈ വഴി വാഹനങ്ങള്‍ക്ക് കടന്നു പോകാൻ സാധിക്കും. അതേസമയം പാലത്തിന്റെ ടോള്‍ നിരക്കുകള്‍ സര്‍ക്കാര്‍ തീരുമാനിച്ചിട്ടില്ല. എന്നാല്‍ പുറത്ത് വരുന്ന റിപ്പോര്‍ട്ടുകാള്‍ അനുസരിച്ച്‌ പാസഞ്ചര്‍ കാറുകള്‍ക്ക് 250/ 300 രൂപ വരെ ഈടാക്കാനാണ് സാധ്യത. ചരക്ക് വാഹനങ്ങളുടെ നിരക്ക് ഇതിലും കൂടിയേക്കാനും സാധ്യതയുണ്ട്.
