പനി പടർന്നു പിടിക്കുന്നു; പാരാസെറ്റമോളിൽ ജീവിതം തീർക്കരുത്

നമ്മടെ നാട്ടിൽ ദുരുപയോഗം ചെയ്യുന്ന മറ്റൊരു മരുന്നുമില്ല എന്നതാണ് വാസ്തവം.

പനി ആയാലും,ശരീര വേദനയായാലും കാര്യമറിയാതെ

വിഴുങ്ങുന്ന,

ഒരു സർവ രോഗ സംഹാരിയായി പാരസെറ്റമോൾ മാറിക്കഴിഞ്ഞിട്ട് കാലങ്ങൾ ഏറെയായി..! കോവിഡ് കാലത്താണ്, പാരസെറ്റമോൾ ദുരുപയോഗം അതിൻ്റെ ഉച്ചസ്ഥായിയിലേക്ക് എത്തിയത് എന്ന് വേണമെങ്കിൽ പറയാം..

പാരസെറ്റമോൾ, വൈറ്റമിൻ ഗുളികകൾ പോലെ,

അത്രയേറെ നിരുപദ്രവകരമായ ഒരു മരുന്നാണെന്ന

തെറ്റിദ്ധരിക്കപ്പെട്ട  ഒരു പൊതു ബോധം, നമ്മുടെ നാട്ടിലുണ്ട്..സത്യത്തിൽ, നമ്മുടെ നാട്ടിൽ മാത്രമല്ല, ലോകമെങ്ങും ജനങ്ങൾക്കിടയിൽ ഈ പൊതുബോധമുണ്ട്..!

പക്ഷേ,

വാസ്തവം നേരെ തിരിച്ചാണ്..ശരിക്കു പറഞ്ഞാൽ,

അത്ര മാത്രം നിഷ്കളങ്കനായ ഒരു ഔഷധമല്ല ഈ പാരസെറ്റമോൾ എന്ന അസെറ്റാമിനോഫെൻ.

ഒരു മരുന്നിന് കരളിനെ പെട്ടെന്ന് നശിപ്പിക്കാൻ ആവുമെങ്കിൽ,

( Acute liver failure) അതിന് പാരസെറ്റമോളിൻ്റെ അമിതമായ ഉപയോഗം മാത്രം മതി.

ലോകത്താകമാനം,

പാരസെറ്റമോൾ,  ദുരുപയോഗത്തിൻ്റെയും കരൾ നാശക സ്വഭാവത്തേയും കുറിച്ച് ധാരാളം പഠനങ്ങളാണ് വന്നു കൊണ്ടിരിക്കുന്നത്.ആസ്ട്രിയയിൽ നിന്നുള്ള പഠനത്തിൽ,

പാരസെറ്റമോൾ അമിത ഉപയോഗത്താലുള്ള 440 മരണങ്ങളെ കുറിച്ച് വിശദമാക്കുന്നുണ്ട്…

അമേരിക്കയും ഇംഗ്ലണ്ടുമാണത്രേ, പാരസെറ്റമോൾ ദുരുപയോഗം കൂടിയ രണ്ടു രാജ്യങ്ങൾ..അവിടത്തെ,

european Liver transplant registery യിൽ, പെട്ടെന്നുള്ള

കരൾ മാറ്റി വക്കലിനായി രജിസ്റ്റർ ചെയ്ത ഭൂരിപക്ഷം പേർക്കും

കരൾ നശിച്ച് പോയതിനുള്ള

( Acute liver failure) പ്രധാന കാരണം,

പാരസെറ്റമോളിന്റെ അമിത ഉപയോഗം തന്നെ ആയിരുന്നു.

ഇതുമായി ബന്ധപ്പെട്ട് വിവിധ രാജ്യങ്ങളിൽ നടന്ന,

ഒരു multi national Study യിൽ, acute liver transplantation വേണ്ട രോഗികളിൽ 97 ശതമാനം പേരും പാരസെറ്റമോൾ ദുരുപയോഗത്തിൻ്റെ ഇരകളായിരുന്നു..!

നമ്മുടെ നാട്ടിലും പാരസെറ്റമോൾ ദുരുപയോഗം ഒട്ടും കുറവല്ല എന്നത് പകൽ പോലെ വ്യക്തമാണ്…

ആ നിലക്ക്‌,

പാരസെറ്റമോൾ ദുരുപയോഗത്തെ പറ്റി, വിദേശ രാജ്യങ്ങളിൽ,

നടന്ന പോലത്തെ വലിയ സാമ്പിൾ സൈസ് പഠനങ്ങൾ ഇവിടെയും ഉണ്ടാവേണ്ടത്, വളരെ അത്യാവശ്യമാണ്.പറഞ്ഞ് വന്നത്,

പാരസെറ്റമോൾ നിരോധിക്കപ്പെടേണ്ട മരുന്നാണ് എന്നൊന്നുമല്ല..

മറിച്ച്,

ഉപയോഗിക്കേണ്ട അളവിൽ, ഉപയോഗിക്കേണ്ട ദിവസം മാത്രം ഉപയോഗിച്ചില്ലെങ്കിൽ,

അത് കരളിനേയും ജീവിതത്തെയും നശിപ്പിക്കും എന്ന് മാത്രമാണ്..!

“മാടമ്പള്ളിയിലെ യഥാർത്ഥ പ്രതിയെ” ഇനിയെങ്കിലും അമിത ഉപയോഗത്തിൽ നിന്നും  വിലക്കിയെടുത്താൽ തന്നെ,

നാട്ടിലെ കരൾ രോഗങ്ങളിൽ വലിയ കുറവ് വരുത്താനാകും..

ആ നിലക്കുള്ള ബോധവൽക്കരണവും പഠനങ്ങളുമാണ്,

ഈ നാട്ടിലെ സാധാരണ ജനങ്ങൾ ആഗ്രഹിക്കുന്നത്…

വാൽക്കഷണം: രാജ്യത്ത് ആത്മഹത്യകളില്‍ കൂടുതലും പാരസെറ്റാമോള്‍ അമിതമായി കഴിച്ച് എന്ന റിപ്പോർട്ടിനെ തുടർന്ന് യുകെയിൽ ഇതിന്റെ  വിൽപ്പന നിയന്ത്രിക്കാൻ നീക്കം തുടങ്ങിയിട്ടുണ്ട്.ഇതോടൊപ്പം രാജ്യത്തുടനീളമുള്ള സ്‌കൂളുകളിലും കോളേജുകളിലും ഇതിനെക്കുറിച്ച്‌ അവബോധം നല്‍കുന്നതിനുള്ള ജാഗ്രതാ സംവിധാനങ്ങളും  രൂപീകരിച്ചിട്ടുണ്ട്.

എന്തെങ്കിലും അസ്വസ്ഥതകളോ വേദനയോ അനുഭവപ്പെടുമ്ബോള്‍ പലരും ചെയ്യുന്ന കാര്യമാണ് ഉടനെ ഒരു പാരസെറ്റമോള്‍ എടുത്ത് കഴിക്കുക. എന്നാല്‍ വാസ്തവത്തില്‍ ഈ ഗുളിക നിങ്ങളുടെ വേദനയുടെ കാരണം ഇല്ലാതാക്കില്ല, പക്ഷേ വേദന കുറയ്ക്കും. തലവേദന, മൈഗ്രേൻ, ആര്‍ത്തവ വേദന എന്നിവയ്ക്കും പലരും ഇത് ഉപയോഗിക്കുന്നു.

മയക്കം, ക്ഷീണം, ചുണങ്ങു, ചൊറിച്ചില്‍ എന്നിവയാണ് പാരസെറ്റമോള്‍ കഴിക്കുന്നതിന്റെ സാധാരണ പാര്‍ശ്വഫലങ്ങള്‍. ഉയര്‍ന്ന രക്തസമ്മര്‍ദ്ദം, വയറുവേദന, ഓക്കാനം, ഛര്‍ദ്ദി എന്നിവയുണ്ടെങ്കില്‍ പാരസെറ്റമോളിന്റെ ദീര്‍ഘകാല ഉപയോഗം ക്ഷീണം, ശ്വാസതടസ്സം, വിരലുകളുടെയും ചുണ്ടുകളുടെയും നീല, വിളര്‍ച്ച (ചുവന്ന രക്താണുക്കളുടെ എണ്ണം കുറവ്), കരള്‍, വൃക്ക എന്നിവയുടെ തകരാറുകള്‍, ഹൃദ്രോഗം, സ്ട്രോക്ക് എന്നിവയ്ക്ക് കാരണമാകും. കോമ മുതലായവ സംഭവിക്കും. അതിനാല്‍, പാരസെറ്റമോള്‍ അടങ്ങിയ മരുന്നുകള്‍ ഉപയോഗിക്കുന്നതിന് ഡോക്ടരുടെ നിര്‍ദ്ദേശം നേടുക.