ലക്നൗ: ലോകകപ്പ് വിക്കറ്റ് വേട്ടയില്‍ ഒന്നാം സ്ഥാനം സ്വന്തമാക്കി മുഹമ്മദ് ഷമി. ലോകകപ്പിലെ ആദ്യ നാലു കളികളിലും പ്ലേയിംഗ് ഇലവനില്‍ അവസരം കിട്ടാതിരുന്ന ഷമി പിന്നീട് കളിച്ച ഏഴ് കളികളില്‍ നിന്നാണ് 24 വിക്കറ്റുകൾ സ്വന്തമാക്കി ലോകകപ്പ് ക്രിക്കറ്റ് വിക്കറ്റ് വേട്ടയിൽ ഒന്നാം സ്ഥാനത്തെത്തിയത്.
ഒരു ലോകകപ്പില്‍ ഇന്ത്യക്കായി ഏറ്റവും കൂടുതല്‍ വിക്കറ്റ് വീഴ്ത്തുന്ന ഇന്ത്യന്‍ പേസറെന്ന റെക്കോര്‍ഡും ഷമി ഞായറാഴ്ച ഇന്ത്യ ഓസ്ട്രേലിയ ഫൈനലിനിടയിൽ സ്വന്തം പേരിലാക്കിയിരുന്നു.
ഉത്തർപ്രദേശിലെ ആംരോഹ ജില്ലക്കാരനാണ് മുഹമ്മദ് ഷമി.ലോകകപ്പ് ഫൈനല്‍ മത്സരം കാണാനായി ആംരോഹ ജില്ലയിലെങ്ങും വലിയ സ്ക്രീനുകള്‍ സജ്ജീകരിച്ചിരുന്നു.മുഹമ്മദ് ഷമിയുടെ പേരിൽ ഇവിടെ ക്രിക്കറ്റ് സ്റ്റേഡിയം നിർമ്മിക്കുമെന്ന് യോഗി സർക്കാരും നേരത്തെ അറിയിച്ചിരുന്നു.
