ശബരിമല തീര്‍ത്ഥാടകര്‍ക്ക് വേണ്ട സഹായവും സുരക്ഷയുമൊരുക്കാൻ 1400 പൊലീസ് ഉദ്യോഗസ്ഥരെയാണ് സന്നിധാനത്ത് വിവിധ ഭാഗങ്ങളിലായി വിന്യസിച്ചിരിക്കുന്നത്.
വെര്‍ച്വല്‍ക്യൂ വഴി ബുക്കു ചെയ്യുന്നതിനാല്‍ സന്നിധാനത്ത് എത്തുന്ന തീര്‍ത്ഥാടകരുടെ എണ്ണം പൊലീസിനും ദേവസ്വം ബോര്‍ഡിനും മുൻകൂട്ടി അറിയാൻ കഴിയും. sabarimalaonline.org എന്ന വെബ്‌സൈറ്റ് വഴി 24 മണിക്കൂറും സൗജന്യമായി ഓണ്‍ലൈൻ ബുക്കിംഗ് ചെയ്യാവുന്നതാണ്.
പമ്ബയില്‍ നിന്ന് തുടങ്ങുന്ന വെര്‍ച്വല്‍ ക്യൂ സംവിധാനം അയ്യപ്പന്മാര്‍ക്ക് ബുദ്ധിമുട്ട് കൂടാതെ സുഗമമായ രീതിയില്‍ ദര്‍ശനം സാദ്ധ്യമാക്കുവാൻ സഹായിക്കുന്നു.
വെര്‍ച്വല്‍ക്യൂ വഴി കഴിഞ്ഞ രണ്ടുദിവസംകൊണ്ട് 37,348 തീര്‍ത്ഥാടകരാണ് സുഖദർശനം നടത്തിയത്.
