തൃശൂര്‍: കെഎസ്‌ഇബി സര്‍വ്വീസ് വയര്‍ കഴുത്തില്‍ കുരുങ്ങി ബൈക്ക് യാത്രികന് ഗുരുതര പരിക്ക്. വരവൂര്‍ സ്വദേശി രാമേഷിനാണ് പരിക്കേറ്റത്.
കഴിഞ്ഞ ദിവസം രാത്രി 9 മണിയോടെയാണ് അപകടം നടന്നത്. സഹോദരനായ രാജേഷിന്റെ വിവാഹ നിശ്ചയത്തിന്റെ ഭാഗമായി സാധനങ്ങള്‍ വാങ്ങാൻ പോയപ്പോഴായിരുന്നു അപകടം.
കഴുത്തില്‍ ഗുരുതര പരിക്കേറ്റ യുവാവിനെ കുന്നംകുളത്തെ സ്വകാര്യ ആശുപത്രിയിലും തുടര്‍ന്ന് തൃശൂര്‍ മെഡിക്കല്‍ കോളേജിലേക്കും മാറ്റി.അടിയന്തര ശസ്ത്രക്രിയയ്‌ക്ക് വിധേയനാക്കിയ യുവാവ് അപകട നില തരണം ചെയ്തതായി ആശുപത്രി അധികൃതര്‍ അറിയിച്ചു.
