ഫോബ്സ് അതിസമ്ബന്നരായ ഇന്ത്യക്കാരുടെ പട്ടിക പ്രകാരം രാജ്യത്തെ ഏറ്റവും ധനികയായ വനിതയെന്ന സ്ഥാനം ലഭിച്ചിരിക്കുന്നത് ഒ.പി ജിൻഡാല്‍ ഗ്രൂപ്പ് ചെയര്‍പേഴ്സണ്‍ സാവിത്രി ജിൻഡാലിനാണ്.
ഉരുക്ക് വ്യവസായി ലക്ഷ്മി നിവാസ് മിറ്റലിനെ മറികടന്ന് രാജ്യത്തെ ഏഴാമത്തെ സമ്ബന്നയാണ് സാവിത്രി ജിൻഡാല്‍ . സാവിത്രി ജിൻഡാലിന്റെ ആസ്തിയില്‍ കഴിഞ്ഞവര്‍ഷത്തെക്കാള്‍ 4.8 ബില്യണ്‍ ഡോളറിന്റെ വര്‍ധനവാണ് ഉണ്ടായത്. ഇതോടെ നിലവിലെ ആസ്തി 18.7 ബില്യണ്‍ ഡോളറായി ഉയര്‍ന്നു.
ഇതോടെ ആഗോളതലത്തില്‍ ധനികരുടെ പട്ടികയില്‍ 82-ാം സ്ഥാനവും സാവിത്രി കരസ്ഥമാക്കി. വ്യവസായിയായ സാവിത്രി ജിൻഡാലിന്റെ ഭര്‍ത്താവ് ഓം പ്രകാശ് ജിൻഡാല്‍ 2005ല്‍ ഹെലികോപ്റ്റര്‍ അപകടത്തില്‍ മരണപ്പെട്ടതോടെയാണ് ഇവര്‍ വ്യവസായ സംരംഭങ്ങളുടെ സാരഥ്യം ഏറ്റെടുക്കുന്നത്. ഇന്ത്യൻ ധനികരുടെ പട്ടികയില്‍ ആദ്യ പത്തില്‍ ഇടം നേടിയ ഏക വനിതയും സാവിത്രി ജിൻഡാലാണ്.
