ആലപ്പുഴയിൽ തിരുമ്മൽ ചികിത്സ നടത്തുന്നതിനിടയിൽ ഭിന്നശേഷികാരിയെ പീഡിപ്പിച്ച തൈലം വിൽപ്പനക്കാരൻ പിടിയിൽ

വൈകല്യം മാറ്റി കൊടുക്കാം എന്ന് പറഞ്ഞു വിശ്വസിപ്പിച്ച് തിരുമ്മൽ ചികിത്സ നടത്തുന്നതിനിടെയാണ് ഇയാൾ യുവതിയെ പീഡിപ്പിച്ചത്.തിരുമ്മൽ ചികിത്സ നടത്തുന്നതിനിടയിൽ പലതവണ ഇയാൾ യുവതിയെ പീഡിപ്പിക്കുകയായിരുന്നു.

പ്രതി തിരുമ്മൽ പഠിച്ചിട്ടില്ല എന്നും തൈലം കച്ചവടം നടത്തിയിരുന്ന സമയത്ത് ആളുകൾക്ക് തൈലം പുരട്ടി കൊടുക്കുന്ന പരിചയം മാത്രമേ ഉണ്ടായിരുന്നുള്ളൂ എന്നും പോലീസ് പറയുന്നു .സംഭവത്തിനുശേഷം ഒളിവിൽ കഴിഞ്ഞ പ്രതിയെ കൊല്ലം പത്തനാപുരത്ത് വെച്ചാണ് പോലീസ് പിടികൂടിയത് .മാവേലിക്കര കോടതിയിൽ ഹാജരാക്കിയ പ്രതിയെ റിമാൻഡ് ചെയ്തു.