ഇന്ത്യൻ സൂപ്പർ ലീഗ് പത്താം സീസണിലെ ഇതുവരെയുള്ള മത്സരഫലങ്ങൾ വെച്ച് ആദ്യ രണ്ട് സ്ഥാനങ്ങളിൽ കൊൽക്കത്ത മോഹൻ ബഗാൻ സൂപ്പർ ജെയ്ന്റ്സും കേരള ബ്ലാസ്റ്റേഴ്‌സുമാണുള്ളത്.ഇരു ടീമുകളും ആറ് പോയിന്റുമായി ഒന്ന്, രണ്ട് സ്ഥാനങ്ങളിലാണ് നിലവിൽ.
മോഹൻ ബഗാന്റെ ഗോൾ ഡിഫറെൻസ് +3 ആയതുകൊണ്ട് ഒന്നാം സ്ഥാനത്തും, കേരള ബ്ലാസ്റ്റേഴ്‌സിന് +2 ആയതുകൊണ്ടുമാണ് രണ്ടാം സ്ഥാനത്തും ഉള്ളത്.അതിനാൽ തന്നെ ആരാധകർ കാത്തിരിക്കുന്ന ഒരു മത്സരമാണ് കേരള ബ്ലാസ്റ്റേഴ്സും മോഹൻ ബഗാനും തമ്മിലുള്ളത്.എന്നാൽ ഇരു ടീമുകളും തമ്മിൽ നേർക്കുനേർ
ഏറ്റുമുട്ടുന്നത് ഡിസംബർ 27-ന് മാത്രമാണ്.
ബ്ലാസ്റ്റേഴ്സിന്റെ അടുത്ത കളി ഒക്ടോബർ 8-ന് മുംബൈയുമായിട്ടാണ്.അവരുടെ സ്റ്റേഡിയത്തിൽ വച്ചാണ് മത്സരം.ഒക്ടോബർ 21-നാണ് കൊച്ചിയിൽ വച്ചുള്ള കേരള ബ്ലാസ്റ്റേഴ്സിന്റെ അടുത്ത മത്സരം.നോർത്ത് ഈസ്റ്റ് യുണൈറ്റഡാണ് എതിരാളി.
പിന്നീട് ഒക്ടോബർ 27-ന് ഒഡീഷയുമായും നവംബർ 4-ന് ഈസ്റ്റ് ബംഗാളുമായും ബ്ലാസ്റ്റേഴ്സ് ഏറ്റുമുട്ടും.നവംബർ 25-ന് ഹൈദരാബാദുമായും നവംബർ 29-ന് ചെന്നൈയിനുമായുമാണ് ബ്ലാസ്റ്റേഴ്സിന്റെ പിന്നീടുള്ള മത്സരങ്ങൾ.
3 ഡിസംബറിന് ഗോവയുമായും 14 ഡിസംബറിന് പഞ്ചാബുമായും 24 ഡിസംബറിന് വീണ്ടും മുംബൈയുമായാണ് ബ്ലാസ്റ്റേഴ്സിന്റെ ഈ വർഷത്തെ മറ്റ് മത്സരങ്ങൾ.
