ചിലപ്പോള്‍ അങ്ങനെ വലിയ ‘സംഭവം’ ആയി തോന്നുന്ന ഉള്ളടക്കമൊന്നുമായിരിക്കില്ല ഇങ്ങനെ വൈറലാകുന്ന വീഡിയോകള്‍ക്ക്.പക്ഷേ കാണാൻ രസമുള്ളതോ, നമുക്ക് എളുപ്പത്തില്‍ മനസിലാക്കാവുന്നതോ എല്ലാമായിരിക്കും.ചിലപ്പോഴെല്ലാം
ഇത്തരത്തില്‍ ഇപ്പോള്‍ വൈറലായിരിക്കുന്ന ഒരു വീഡിയോ ആണ് ഇതും.ഒരു ട്രെയിനിന്റെ അകത്ത് നിന്നുമാണ് ഈ വീഡിയോ പകര്‍ത്തിയിരിക്കുന്നത്.
വീഡിയോയില്‍ ഒരു ടിക്കറ്റ് എക്സാമിനര്‍ ഒരു പ്രായമായ സ്ത്രീയുടെ അടുത്തെത്തി ടിക്കറ്റ് പരിശോധിക്കുന്നത് കാണാം. എന്നാല്‍, സ്ത്രീ മാത്രമല്ല അവര്‍ക്കൊപ്പം തീരെ പ്രതീക്ഷിക്കാത്ത ഒരു അതിഥി കൂടിയുണ്ട് വണ്ടിയില്‍. അത് ഒരു ആടാണ്. മധ്യവയസ്കയായ സ്ത്രീയോട് ടിക്കറ്റിന് ചോദിക്കുമ്ബോള്‍ വളരെ ആത്മവിശ്വാസത്തോടെ തന്നെ അവര്‍ തന്റെ ടിക്കറ്റ് കാണിച്ചു കൊടുക്കുന്നു. എന്നാല്‍, അതേ സമയത്ത് ഒപ്പമുള്ള ആടിന്റെ ടിക്കറ്റും എക്സാമിനര്‍ ചോദിക്കുന്നുണ്ട്. എന്നാല്‍, യാതൊരു പതര്‍ച്ചയും കൂടാതെ തനിക്കൊപ്പമുള്ള തന്റെ ആടിന്റെയും ടിക്കറ്റ് കാണിച്ചു കൊടുക്കുകയാണ് സ്ത്രീ.
ടിക്കറ്റ് എക്സാമിനര്‍ ഒരു പുഞ്ചിരിയോടെ തിരികെ ടിക്കറ്റ് അവരെ ഏൽപ്പിക്കുന്നു.അദ്ദേഹം തന്നെയാണ് വീഡിയോ പങ്ക് വച്ചിരിക്കുന്നതും.
‘ഈ സ്ത്രീ തന്റെ ആടിനെയും ട്രെയിനില്‍ കൊണ്ടുവന്നു. അതിനും അവര്‍ ടിക്കറ്റ് എടുത്തിട്ടുണ്ട്. ടിക്കറ്റ് ചോദിക്കുമ്ബോള്‍ തന്റെ സത്യസന്ധതയില്‍ അവര്‍ക്കുള്ള അഭിമാനം നോക്കൂ’ എന്നാണ് വീഡിയോയ്‍ക്ക് അദ്ദേഹം കാപ്ഷന്‍ നല്‍കിയിരിക്കുന്നത്.
