തിരുവനന്തപുരം:നിയമസഭാ മന്ദിരത്തില്‍ വിഭവ സമൃദ്ധമായ ഓണസദ്യ ഒരുക്കി മുഖ്യമന്ത്രി പിണറായി വിജയൻ. അഞ്ച് തരം പായസവും രണ്ട് തരം പഴങ്ങളും ഉള്‍പ്പെടെ 65 വിഭവങ്ങളാണ് മുഖ്യമന്ത്രിയുടെ സദ്യയില്‍ ഉണ്ടായിരുന്നത്.
രാഷ്ട്രീയ, കലാ, സാംസ്കാരിക, ആത്മീയ, ബിസിനസ് രംഗങ്ങളിലെ പ്രമുഖര്‍ മുഖ്യമന്ത്രിയുടെ ക്ഷണം സ്വീകരിച്ചെത്തി.നിയമസഭയിലെ ശങ്കരനാരായണൻ തമ്ബി ഹാളിന് പുറത്ത് മുഖ്യമന്ത്രി മുഖ്യാതിഥികളെ വരവേറ്റു. എംഎല്‍എ ഹോസ്റ്റല്‍വളപ്പിലെ പുതിയ പമ്ബ ബ്ലോക്കിന്റെ ശിലാസ്ഥാപനത്തിന് ശേഷമായിരുന്നു സദ്യ.
അതേസമയം ശിലാസ്ഥാപനച്ചടങ്ങിൽ ആശംസയര്‍പ്പിക്കാനെത്തിയ പ്രതിപക്ഷനേതാവ് വിഡി സതീശൻ ഓണസദ്യയ്ക്കെത്തിയില്ല.എന്നാല്‍ മുസ്ലിംലീഗിന്റെതുള്‍പ്പെടെ ചില എംഎല്‍എമാര്‍ വിരുന്നിനെത്തി
