മട്ടുപ്പാവിലെ സമ്മിശ്ര ജൈവകൃഷി രീതികള്‍ പരിഗണിച്ചാണ് ഇന്ത്യ ബുക്ക് ഓഫ് റെക്കോര്‍ഡ്സും ഇപ്പോള്‍ കലാം പുരസ്‌ക്കാരവും ലഭിച്ചത്. നാട്ടിലെ നിരവധി സംഘടനകളും കൂട്ടായ്മകളും ജയപ്രീതയെ ആദരിക്കുകയുണ്ടായി.എല്ലാക്കാലത്തും ജയപ്രീതയുടെ മട്ടുപ്പാവില്‍ ഒരു ചെറുവസന്തം വിടര്‍ന്നു നില്‍ക്കുന്നെങ്കിലും, ചിങ്ങത്തിലെ കാറ്റിലാടുന്ന മഞ്ഞയും വെള്ള നിറത്തിലുമുള്ള ചെണ്ടുമല്ലി പൂക്കള്‍ സുന്ദരമായ ഓണ കാഴ്ചയുമാകുകയാണ്.
നമ്മുടെ സ്ഥലപരിമിതിക്ക് ഉള്ളില്‍ നിന്നു കൊണ്ട് തന്നെ സുരക്ഷിതവും തീര്‍ത്തും ജൈവ രീതിയിലുള്ളതുമായ പച്ചക്കറി മട്ടുപ്പാവില്‍ നിന്നും നമുക്ക് തന്നെ വിളയിച്ചെടുക്കാമെന്ന് തെളിയിച്ചിരിക്കുകയാണ് ഈ വീട്ടമ്മ. മട്ടുപ്പാവിലെ കൃഷി ടെൻഷൻ കുറയ്ക്കുന്നതും ജീവിതത്തിന് വളരെയേറെ ആനന്ദകരവും ആണെന്ന് ജയപ്രീത പറയുന്നു. വീട്ടിലേക്കാവശ്യമായ ഏറ്റവും നല്ല പച്ചക്കറികള്‍ ആവശ്യാനുസരണം ലഭിക്കുന്നു എന്നതാണ് ഇതിന്റെ മറ്റൊരു മെച്ചം.വീട്ടിലെ ജൈവ മാലിന്യങ്ങള്‍ തന്നെയാണ് ജയപ്രീത വളമായും ഉപയോഗിക്കുന്നത്.
