കേന്ദ്രസർവീസിൽ സ്റ്റെനോഗ്രാഫര്‍ നിയമനത്തിന് സ്റ്റാഫ് സെലക്ഷൻ കമീഷൻ അപേക്ഷ ക്ഷണിച്ചു. ഗ്രേഡ് സി വിഭാഗത്തില്‍ 93 ഒഴിവുകളും ഗ്രേഡ് ഡി വിഭാഗത്തില്‍ 1114 ഒഴിവുകളുമുണ്ട്.
വിജ്ഞാപനം https://ssc.nic.inല്‍. യോഗ്യത: പ്ലസ്ടു/തത്തുല്യം. സ്റ്റെനോഗ്രാഫിയില്‍ പ്രാവീണ്യമുണ്ടാകണം. പ്രായം: ഗ്രേഡ് സി 18-30. ഗ്രേഡ് ഡി 18 -27. നിയമാനുസൃത ഇളവുണ്ട്.
ഓഗസ്റ്റ് 23 വരെ ഓണ്‍ലൈനായി അപേക്ഷിക്കാം. ഒക്ടോബറില്‍ ദേശീയതലത്തില്‍ നടത്തുന്ന കമ്ബ്യൂട്ടര്‍ അധിഷ്ടിത പരീക്ഷയുടെയും തുടര്‍ന്ന് നടത്തുന്ന സ്റ്റെനോഗ്രാഫി ടെസ്റ്റിന്റെയും അടിസ്ഥാനത്തിലാണ് തെരഞ്ഞെടുപ്പ്. കേരളത്തില്‍ എറണാകുളം, കണ്ണൂര്‍, കൊല്ലം, കോട്ടയം, കോഴിക്കോട്, തിരുവനന്തപുരം, തൃശൂര്‍ പരീക്ഷ കേന്ദ്രങ്ങളാണ്.
