ആനന്ദ് വിഹാറില്‍ നിന്ന് പുറപ്പെട്ടതിന് പിന്നാലെ രണ്ട് കോച്ചുകളിലും വൈദ്യുതി തകരാറുണ്ടായി. തുടര്‍ന്ന് എസിയുടെ പ്രവര്‍ത്തനവും നിലച്ചു.ഏറെനേരം കഴിഞ്ഞിട്ടും തകരാര്‍ പരിഹരിച്ചില്ലെന്ന് കണ്ടതോടെ യാത്രക്കാര്‍ പ്രതിഷേധമാരംഭിച്ചു.ബഹളം കൂട്ടിയ യാത്രക്കാര്‍ ടിടിഇയെ ശുചിമുറിയില്‍ പൂട്ടിയിട്ടു.
പിന്നീട് ട്രെയിൻ തുണ്ട്ല സ്റ്റേഷനിലെത്തിയപ്പോള്‍ യാത്രക്കാരെ അനുനയിപ്പിച്ച ആര്‍.പി.എഫ്. ഉദ്യോഗസ്ഥരും റെയില്‍വെ അധികൃതരും തകരാര്‍ ഉടൻ പരിഹരിക്കുമെന്ന് ഉറപ്പു നല്‍കി. പിന്നാലെ എൻജീനിയര്‍മാരെത്തി തകരാര്‍ പരിഹരിച്ച ശേഷമാണ് ട്രെയിൻ യാത്ര തുടര്‍ന്നത്.
