അജ്മാൻ: യുഎഇയിലെ അജ്മാനിൽ വൻ തീപിടുത്തം.ഭവനസമുച്ചയത്തിലാണ് തീപിടിച്ചു.16 അപ്പാര്‍ട്ട്‌മെന്റുകള്‍ കത്തി നശിച്ചു.13 വാഹനങ്ങള്‍ക്ക് കേടുപാടുകളും സംഭവിച്ചിട്ടുണ്ട്. തീപിടിത്തത്തിന്റെ യഥാര്‍ത്ഥ കാരണം കണ്ടെത്താനായിട്ടില്ല.
ഷെയ്ഖ് ഖലീഫ ബിൻ സായിദ് സ്ട്രീറ്റിലെ അല്‍ നുഐമിയ ഏരിയ-3 യില്‍ റെസിഡൻഷ്യല്‍ കെട്ടിടത്തിനാണ് തീപിടിച്ചത്.തീ നിയന്ത്രണവിധേയമാക്കിയതായാണ് വിവരം.
വിവരം അറിഞ്ഞയുടൻ സ്ഥലത്തെത്തിയ അജ്മാൻ പൊലിസിന്റെയും സിവില്‍ ഡിഫൻസ് ടീമിന്റെയും ദ്രുതഗതിയിലുള്ള ഇടപെടലാണ് അപകടത്തിന്റെ തീവ്രത കുറച്ചത്. സിവില്‍ ഡിഫൻസ് ടീമിന്റെ നേതൃത്വത്തിലാണ് തീ നിയന്ത്രണവിധേയമാക്കിയത്. എല്ലാ താമസക്കാരെയും പരിക്കേല്‍ക്കാതെ സുരക്ഷിതമായി പുറത്തെത്തിക്കാൻ സംഘത്തിനായി.സിവില്‍ ഡിഫൻസുമായി സഹകരിച്ച്‌, കെട്ടിടത്തിലെ താമസക്കാരെയും ഒഴിപ്പിക്കുകയായിരുന്നു. അപകടത്തില്‍ ആര്‍ക്കും പരിക്കില്ല.
