കൂത്തുപറമ്ബ്: സമ്മാനം ലഭിച്ച ലോട്ടറി ടിക്കറ്റുമായി എത്തിയ ഇതര സംസ്ഥാന തൊഴിലാളിക്ക് സുരക്ഷ ഒരുക്കി പോലീസ്. കൂത്തുപറമ്ബ് പോലീസ് സ്‌റ്റേഷനിലെത്തിയ വെസ്റ്റ് ബംഗാള്‍ സ്വദേശി നൂര്‍ ഇസ് ലാം ഷേഖിനാണ് പോലീസുകള്‍ സുരക്ഷ നല്‍കിയത്.
ഇന്നലെ ഉച്ചയ്ക്കാണ് പോലീസ് സ്റ്റേഷനിലേക്ക് ലോട്ടറി ടിക്കറ്റുമായി വെസ്റ്റ് ബംഗാള്‍ സ്വദേശിയായ നൂര്‍ ഇസ് ലാം ഷേഖ് എത്തിയത്. തുടര്‍ന്ന് പോലീസുകാര്‍ കാര്യം തിരക്കിയപ്പോഴാണ് വെള്ളിയാഴ്ചത്തെ ലോട്ടറി ടിക്കറ്റ് നറുക്കെടുപ്പില്‍ തനിക്ക് രണ്ടാം സമ്മാനമായ 10 ലക്ഷം രൂപ അടിച്ചതായി ഇയാള്‍ പോലീസുകാരോട് പറയുന്നത്.
സമ്മാനം ലഭിച്ച ഈ ലോട്ടറി ടിക്കറ്റ് എവിടെയാണ് നല്‍കേണ്ടതെന്ന് അറിയാത്തതിനാ ലാണ് താൻ സ്റ്റേഷനിലേക്ക് വന്നതെന്ന് നൂര്‍ ഇസ് ലാം ഷേഖ് പോലീസുകാരോട് പറഞ്ഞു. തുടര്‍ന്ന് എല്ലാവിധ സുരക്ഷകളും ഒരുക്കി പോലീസ് മുഖേന ടിക്കറ്റ് ബാങ്കിന് കൈമാറി.
