പത്താം ക്ലാസ് പരീക്ഷയില്‍ മികച്ച വിജയം നേടിയവര്‍ക്ക് പരീക്ഷയോ അഭിമുഖമോ മറ്റ് കടമ്ബയോ ഇല്ലാതെ ഇന്ത്യയിലെവിടെയുമുള്ള പോസ്റ്റ് ഓഫിസുകളില്‍ ജോലി നേടാൻ സാധിക്കും . കേന്ദ്രസര്‍ക്കാരിന് കീഴിലായിരിക്കും ജോലി. പോസ്റ്റ് ഓഫീസിലേക്കുള്ള ഈ വര്‍ഷത്തെ രണ്ടാമത്തെ റിക്രൂട്ട്‌മെന്റ് ആണിത്.
ഓണ്‍ലൈനായി അപേക്ഷിക്കേണ്ട അവസാന തീയതി: 2023 ഓഗസ്റ്റ് 23
പ്രായം:
18 വയസ്സ് മുതല്‍ 40 വരെ.
(പട്ടികജാതി/ പട്ടികവര്‍ഗ്ഗ വിഭാഗക്കാര്‍ക്ക് 45 വയസ്സ് വരെയും ഒബിസി വിഭാഗക്കാര്‍ക്ക് 43 വയസ്സ് വരെയും ഇളവുണ്ട്. മറ്റ് സംവരണ വിഭാഗക്കാര്‍ക്കും ഇളവുകള്‍ ലഭിക്കുന്നതാണ്).
യോഗ്യത:
പത്താം ക്ലാസ് വിജയം. കൂടാതെ ഏതു സംസ്ഥാനത്തേക്കാണോ അപേക്ഷിക്കേണ്ടത് ആ സംസ്ഥാനത്തെ മാതൃഭാഷ അറിഞ്ഞിരിക്കണം.
ഗ്രാമീണ്‍ ഡക്ക് സേവക് (ജി.ഡി.എസ്) ഒഴിവുകളിലേക്ക് അപേക്ഷിക്കുന്നവര്‍ക്ക് സൈക്കിള്‍ ഓടിക്കാന്‍ അറിയണം. സ്‌കൂട്ടര്‍/ മോട്ടോര്‍സൈക്കിള്‍ ഓടിക്കാന്‍ അറിഞ്ഞാലും മതി.
അപേക്ഷാ ഫീസ്:
100 രൂപയാണ് അപേക്ഷാഫീസ്.
എന്നാല്‍ സ്ത്രീകള്‍, ട്രാന്‍സ്, എസ്.സി, എസ്.ടി, വികലാംഗര്‍ എന്നിവര്‍ക്ക് ഫീസില്ല.
തെരഞ്ഞെടുപ്പ്
പരീക്ഷ ഇല്ലാതെ പത്താംക്ലാസ് പരീക്ഷയില്‍ നേടിയ മാര്‍ക്കിന്റെ അടിസ്ഥാനത്തില്‍ ആയിരിക്കും റാങ്ക് ലിസ്റ്റ് പ്രസിദ്ധീകരിക്കുക.കൂടുതൽ വിവരങ്ങൾ തപാൽ വകുപ്പിന്റെ വെബ്സൈറ്റിൽ ലഭ്യമാണ്.
