ശ്രീനാഥ് ഭാസിയുടെ 50-ാമത് ചിത്രം ഇന്ന് കൊച്ചിയിൽ ആരംഭിച്ചു, ലാൽ- സൈജുക്കുറുപ്പ് എന്നിവരും കേന്ദ്ര കഥാപാത്രങ്ങൾ

   ശ്രീനാഥ് ഭാസി, ലാൽ, സൈജു ക്കുറുപ്പ് എന്നിവർ കേന്ദ്രകഥാപാത്രങ്ങളായി എത്തുന്ന പുതിയ ചിത്രത്തിൻ്റെ ചിത്രീകരണം ലാൽ സ്വിച്ചോൺ കർമ്മം നിർവ്വഹിച്ചതോടെ ആഗസ്റ്റ് 2 ബുധനാഴ്ച്ച കൊച്ചിയിൽ ആരംഭിച്ചു.

നവാഗതനായ ജോ ജോർജ് സംവിധാനം ചെയ്യുന്ന ഈ ചിത്രം ലിറ്റിൽ ക്രൂ പ്രൊഡക്ഷൻസിൻ്റെ ബാനറിൽ ഫൈസൽ രാജയാണ് നിർമ്മിക്കുന്നത്.

ശ്രീനാഥ് ഭാസിയുടെ 50-ാമതു ചിത്രം

ശ്രീനാഥ് ഭാസി അഭിനയരംഗത്ത് എത്തിയതിനു ശേഷമുള്ള അമ്പതാമതു ചിത്രം കൂടിയാണിത്. അതിൻ്റെ സന്തോഷം ശ്രീനാഥ് ഭാസി ലൊക്കേഷനിൽ പങ്കുവയ്കുകയുണ്ടായി.

പത്തു വർഷങ്ങൾക്കു ശേഷം വാണി വിശ്വനാഥ്

മലയാള സിനിമയിലെ മുൻനിര നായികയായിരുന്ന വാണി വിശ്വനാഥ് നീണ്ട പത്തു വർഷങ്ങൾക്കു ശേഷം അഭിനയരംഗത്തെത്തുകയാണ് ഈ ചിത്രത്തിലൂടെ.
ഈ ചിത്രത്തിലെ നിർണ്ണായകമായ ഒരു കഥാപാത്രത്തെയാണ് വാണി വിശ്വനാഥ് അവതരിപ്പിക്കുന്നത്.

രവീണാ രവി നായിക

സമീപകാലത്ത് ഏറെ വിജയം നേടിയ ‘മാമന്നൻ’ എന്ന തമിഴ് ചിത്രത്തിലെ നായികയായി തിളങ്ങിയ രവീണാ രവിയാണ്‌ ഈ ചിത്രത്തിലെ നായിക.
മലയാളിയായ രവീണ പ്രശസ്ത ഡബ്ബിംഗ് താരം ശ്രീജാ രവിയുടെ മകളാണ്.
ടി.ജി.രവി, രാജേഷ് ശർമ്മ, ബോബൻ സാമുവൽ, സാബു ആമി, ജിലു ജോസഫ്, അഭിരാം, ആൻ്റണി ഏലൂർ  അബിൻ ബിനോ എന്നിവരും ഈ ചിത്രത്തിലെ പ്രധാന താരങ്ങളാണ്.
തികഞ്ഞ ഫാമിലി ഡ്രാമയാണ് ഈ ചിത്രമെന്ന് സംവിധായകൻ ജോ ജോർജ് പറഞ്ഞു.
മകളെ രക്ഷിക്കാനായി അച്ഛനും ഭർത്താവും നടത്തുന്ന ശ്രമങ്ങളാണ് ത്രില്ലർ മൂഡിൽ ഈ ചിത്രത്തിലൂടെ അവതരിപ്പിക്കുന്നത്.

സാഗറിൻ്റെ തിരക്കഥ

കുമ്പാരീസ്, വികാ, സത്യം മാത്രമേ ബോധിപ്പിക്കൂ, കനകരാജ്യം എന്നീ ചിത്രങ്ങളിലൂടെ ശ്രദ്ധേയനായ സംവിധായകൻ സാഗറാണ് ഈ ചിത്രത്തിൻ്റെ തിരക്കഥ രചിച്ചിരിക്കുന്നത്.
ഗാനങ്ങൾ- ഹരി നാരായണൻ.
സംഗീതം- വരുൺ ഉണ്ണി .
ഛായാഗ്രഹണം- സനീഷ് സ്റ്റാൻലി,
എഡിറ്റിംഗ്‌ – നൗഫൽ അബ്ദുള്ള.
ചീഫ് അസോ. ഡയറക്ടർ – ശരത് സത്യ
അസോ. ഡയറക്ടേർസ് – അഖിൽ കഴക്കൂട്ടം, വിഷ്ണു, വിവേക് വിനോദ്.
പ്രൊജക്റ്റ് ഡിസൈൻ- സ്റ്റീഫൻ വല്യാറ.
പ്രൊഡക്ഷൻ എക്സികുടീവ്സ് – പി.സി.വർഗീസ്, സുജിത് അയണിക്കൽ .
പ്രൊഡക്ഷൻ കൺട്രോളർ-ആൻ്റണി ഏലൂർ.

വാഴൂർ ജോസ്.
ഫോട്ടോ- ഷിജിൻ രാജ്