ഓട്ടോറിക്ഷയിൽ യാത്ര നടത്തുന്നവര്‍ക്ക് തക്കാളി സൗജന്യമായി നൽകുമെന്ന് ഓട്ടോഡ്രൈവർ.
ചണ്ഡീഗഢിലുള്ള ഓട്ടോ ഡ്രൈവര്‍ അനില്‍ കുമാറാണ് തന്റെ ഓട്ടോയിലെ യാത്രക്കാര്‍ക്കായി ഓഫര്‍ മുന്നോട്ടുവച്ചത്. ഓട്ടോയില്‍ അഞ്ച് യാത്രകള്‍ നടത്തുന്നവര്‍ക്ക് ഒരു കിലോ തക്കാളിയാണ് അനില്‍ സൗജന്യമായി നല്‍കുന്നത്.
ഓട്ടോ ഓടിച്ചാണ് വരുമാനം കണ്ടെത്തുന്നതെന്നും, ഇത്തരം വ്യത്യസ്തമായ സേവനങ്ങളും ഓഫറുകളും നല്‍കുന്നത് തനിക്ക് വലിയ സംതൃപ്തി നല്‍കുന്നുവെന്നും അനില്‍ പറയുന്നു.
തക്കാളി നല്‍കിയത് മാത്രമല്ല അനിലിന്റെ വ്യത്യസ്തതകള്‍. കഴിഞ്ഞ 12 വര്‍ഷമായി അദ്ദേഹം സൈനികര്‍ക്കും, ആശുപത്രികളിലേക്ക് പോകുന്ന ഗര്‍ഭിണികള്‍ക്കും സൗജന്യ സവാരി നല്‍കിവരുന്നുണ്ട്. ഒക്ടോബറില്‍ ഗുജറാത്തില്‍ പാകിസ്ഥാനുമായി നടക്കാനിരിക്കുന്ന ക്രിക്കറ്റ് മത്സരത്തില്‍ ഇന്ത്യ വിജയിച്ചാല്‍ പ്രദേശത്ത് അഞ്ച് ദിവസത്തെ സൗജന്യ ഓട്ടോ സവാരിയും അദ്ദേഹം പ്രഖ്യാപിച്ചിട്ടുണ്ട്.
