കണ്ണൂര്‍: എം.ഡി.എം.എയുമായി യുവാവ് ഉളിക്കല്‍ പോലീസിന്റെ പിടിയില്‍. ഇന്നലെ രാത്രി 10:30 മണിയോടെ വയത്തൂര്‍ മട്ടിണി എന്ന സ്ഥലത്ത് വെച്ച് ഉളിക്കല്‍ പോലീസും കണ്ണൂര്‍ റൂറല്‍ ജില്ലാ ലഹരി വിരുദ്ധ സ്‌ക്വാഡ് ഉം സംയുക്തമായി നടത്തിയ പരിശോധനയിലാണ് ഇരിട്ടി പേരട്ട സ്വദേശി ഡെറിന്‍ ഡോമീനിക് (23) പിടിയിലായത്.
പ്രതിയെ ഉളിക്കല്‍ എസ്.ഐ: കെ.കെ ശശീന്ദ്രന്‍ അറസ്റ്റ് ചെയ്തു. പരിശോധനയില്‍ 2.6 ഗ്രാം എം.ഡി.എം.എയുയും പ്രതി സഞ്ചരിച്ച ഗഘ01ഠ3001 കാര്‍ ഉം പോലീസ് പിടിച്ചെടുത്തു.സീനിയര്‍ സിവില്‍ പോലീസ് ഓഫീസര്‍ ബിനേഷ് പി മാത്യു, ലഹരി വിരുദ്ധ സ്‌ക്വാഡ് അംഗങ്ങളും സംഘത്തില്‍ ഉണ്ടായിരുന്നു.
