തൃശൂർ:മണലൂരില്‍ ഫാര്‍മസി വിദ്യാര്‍ഥിനി ആത്മഹത്യചെയ്ത സംഭവത്തില്‍ ബന്ധുവായ യുവാവിനെ പോലീസ് അറസ്റ്റുചെയ്തു.
ചിറ്റിലപ്പിള്ളി എടയ്ക്കാട്ടില്‍ നിതി(28)നെയാണ് അന്തിക്കാട് എസ്.ഐ. എ. ഹബീബുള്ളയും സംഘവും അറസ്റ്റ് ചെയ്തത്.
കഴിഞ്ഞ 12-നാണ് തിരുവനന്തപുരം മെഡിക്കല്‍ കോളേജിലെ ഫാര്‍മസി വിദ്യാര്‍ഥിനി ഐശ്വര്യ(20)യെ മണലൂരിലെ വീട്ടില്‍ മരിച്ച നിലയില്‍ കണ്ടെത്തിയത്. വിവാഹവാഗ്ദാനം നല്‍കി വഞ്ചിച്ചതില്‍ മനംനൊന്താണ് ഐശ്വര്യ മരിച്ചതെന്ന് പോലീസ് പറഞ്ഞു.കുട്ടിയെ ഇയാൾ പലതവണ ലൈംഗിക ബന്ധത്തിനും ഇരയാക്കിയിരുന്നു.
ഐശ്വര്യയുടെ മൊബൈല്‍ഫോണില്‍നിന്ന് ലഭിച്ച ആത്മഹത്യക്കുറിപ്പ് വീട്ടുകാര്‍ പോലീസിനു കൈമാറിയതിനെ തുടർന്നായിരുന്നു അറസ്റ്റ്.
