അലോട്ട്‌മെന്റ് ലഭിച്ച വിദ്യാര്‍ത്ഥികള്‍ക്ക് നാളെ രാവിലെ 10 മണി മുതല്‍ ജൂലൈ നാലിന് വൈകിട്ട് നാല് മണി വരെ സ്‌കൂളുകളില്‍ പ്രവേശനം നേടാന്‍ സാധിക്കും. അലോട്ട്‌മെന്റ് ലഭിച്ച മുഴുവന്‍ വിദ്യാര്‍ത്ഥികളും ഫീസ് അടച്ച്‌ സ്ഥിരപ്രവേശനം നേടേണ്ടതാണ്. ഫീസ് അടക്കാത്ത പക്ഷം സപ്ലിമെന്ററി അലോട്ട്‌മെന്റില്‍ പരിഗണിക്കുന്നതല്ല.
നാളെ സ്‌പോര്‍ട്‌സ് ക്വാട്ടയുടെ അവസാന അലോട്ട്‌മെന്റും പ്രസിദ്ധീകരിക്കുന്നതാണ്. നാളെ രാവിലെ 10 മണി മുതല്‍ ജൂലൈ 3ന് 4 മണി വരെയാണ് സ്‌പോര്‍ട്‌സ് ക്വാട്ടയില്‍ അലോട്ട്‌മെന്റ് ലഭിച്ച വിദ്യാര്‍ത്ഥികള്‍ക്ക് പ്രവേശനം നേടാന്‍ സാധിക്കുക. അതേസമയം, ഇതുവരെ പ്ലസ് വണ്‍ പ്രവേശനത്തിന് അപേക്ഷിക്കാന്‍ സാധിക്കാത്ത വിദ്യാര്‍ത്ഥികള്‍ക്കും, തെറ്റായ വിവരങ്ങള്‍ നല്‍കിയതിനാല്‍ അലോട്ട്‌മെന്റില്‍ പരിഗണിക്കാത്ത വിദ്യാര്‍ത്ഥികള്‍ക്കും സപ്ലിമെന്ററി അലോട്ട്‌മെന്റിനായി പുതിയ അപേക്ഷ സമര്‍പ്പിക്കാവുന്നതാണ്.
