ഫർഹാനയാണ് ഹോട്ടൽ മുറിയിലേക്ക് സിദ്ദീഖിനെ വിളിച്ചു വരുത്തിയത്.തുടർന്ന് സാമ്ബത്തികകാര്യങ്ങള്‍ പറഞ്ഞ് സിദ്ദീഖുമായി കലഹമുണ്ടാവുകയും ഫര്‍ഹാന കരുതിയിരുന്ന ചുറ്റിക വച്ച് ഷിബിലി സിദ്ദീഖിന്റെ തലക്കടിക്കുകയുമായിരുന്നു എന്നാണ് പ്രതികൾ പോലീസിന് മൊഴി നൽകിയിരിക്കുന്നത്.
തുടർന്ന് പ്രതികള്‍ കോഴിക്കോട് മാനാഞ്ചിറയില്‍ പോയി ഒരു ട്രോളി ബാഗ് വാങ്ങിയിരുന്നു. എന്നാല്‍, ഒരു ബാഗില്‍ മൃതദേഹം കയറുന്നില്ലെന്ന് വ്യക്തമായതോടെ അടുത്ത ദിവസം കോഴിക്കോട് ടൗണില്‍ പോയി അതേ കടയില്‍നിന്ന് ഒരു ട്രോളി ബാഗ് കൂടി വാങ്ങി. കൂടാതെ ഇലക്‌ട്രിക് കട്ടറും വാങ്ങി. തുടര്‍ന്ന് വീണ്ടും ലോഡ്ജ് മുറിയിലെത്തി ബാത്ത് റൂമില്‍ വെച്ച്‌ സിദ്ദീഖിന്റെ മൃതദേഹം കട്ടര്‍ ഉപയോഗിച്ച്‌ രണ്ടാക്കി മുറിച്ചു. തുടര്‍ന്ന് മൃതദേഹം രണ്ട് ട്രോളി ബാഗിലാക്കി സിദ്ദീഖിന്റെ കാറില്‍ അട്ടപ്പാടി ചുരത്തില്‍ കൊണ്ടുതള്ളുകയായിരുന്നു. മൃതദേഹം തള്ളിയ പ്രദേശത്തെക്കുറിച്ച്‌ കൃത്യമായ അറിവുള്ള ആഷിഖാണ് മൃതദേഹമടങ്ങിയ ട്രോളി ബാഗ് അവിടെ തള്ളാമെന്ന് പറഞ്ഞത്. തുടര്‍ന്ന് സിദ്ദീഖിന്റെ വാഹനത്തില്‍തന്നെ സഞ്ചരിച്ച്‌ ആയുധങ്ങളും തുണികളും മറ്റൊരു സ്ഥലത്തും തള്ളി.പിന്നീട് കാര്‍ ചെറുതിരുത്തിയില്‍ ഉപേക്ഷിക്കുകയായിരുന്നു.
