മു‌ല്ലപ‌ന്ത‌ൽ: എറണാകുളം ജില്ലയിലെ തൃപ്പുണ്ണിത്തുറയ്ക്ക് അടുത്തുള്ള ഉദയംപേരൂരില്‍ എം എ‌ല്‍ എ റോഡില്‍ സ്ഥിതി ചെയ്യുന്ന പ്രശസ്തമായ കള്ളു ഷാപ്പാണ് മുല്ല‌പന്തല്‍ സഞ്ചാരികള്‍ക്കിടയില്‍ വളരെ പ്രശസ്തമാണ് ഈ കള്ള് ഷാപ്പ്. കരിമീന് കറി, കരിമീന് പൊള്ളിച്ചത്, കരിമീന് ഫ്രൈ, മീന്‍ തല, ചെമ്മീന്‍, കാട ഫ്രൈ, കൂന്തല്‍ എന്നിവയൊക്കെയാണ് ഇവിടുത്തെ പ്രധാന വിഭവങ്ങള്‍.
കരിമ്പിന്‍കാല : ചങ്ങനാശ്ശേരി കോട്ടയം റൂട്ടിലെ പള്ളത്താണ് കോട്ടയത്തെ ഏറ്റവും പ്രശസ്തമായ കള്ള്ഷാപ്പായ കരിമ്പിന്‍കാല കള്ള് ഷാപ്പ് സ്ഥിതി ചെയ്യുന്നത്. 1958ല്‍ ആരംഭിച്ച ഈ കള്ള് ഷാപ്പ് ഇപ്പോള്‍ പ്രശസ്തമായ ഫാമിലി റെസ്റ്റോറെ‌ന്റ് ആണ്.
ഗരുഡാകരി ഷാപ്പ് : കേരളത്തിന്റെ നെല്ലറയായ കുട്ടനാട്ടിലെ പാടങ്ങളുടെ കരയിലാണ് ഈ ഭക്ഷണശാല സ്ഥിതി ചെയ്യുന്നത്. കുട്ടനാട്ടിലെ നാടൻ വിഭവങ്ങളെല്ലാം ലഭ്യമായ ഈ ഷാപ്പിനോട് ചേർന്ന് ഒരു ഫാമിലി റെസ്റ്റോറന്റും ഉണ്ട്. ഭക്ഷണത്തിന്റെ രുചിയറിയാൻ എത്തുന്ന കുടുംബങ്ങളെ ഉദ്ദേശിച്ചുള്ളത്. പതിനെട്ടോളം കുടിലുകൾ ഈ ഷാപ്പിനു ചുറ്റിലുമുണ്ട്. ഇവിടെ വരുന്ന കുടുംബങ്ങൾക്ക് സൗകര്യപൂർവമിരുന്നു ഭക്ഷണം കഴിക്കുന്നതിനായി ഒരുക്കിയിരിക്കുന്നതാണിത്. കൊതിപിടിപ്പിക്കുന്ന വിഭവങ്ങളുടെ ഒരു നീണ്ട നിര തന്നെ ഈ രുചിപ്പുരയിൽ അതിഥികളെ കാത്തിരിക്കുന്നുണ്ട്. അതിലേറ്റവും പ്രധാനി കരിമീൻ പൊള്ളിച്ചതാണ്. കാച്ചിലും ചേമ്പും കായും പയറുമെല്ലാം കൂട്ടി വേവിച്ച ‘കൊഴ’യെന്ന തനിനാടൻ വിഭവവും അപ്പവും ചപ്പാത്തിയുമെല്ലാമുണ്ട്. ഞണ്ടും ചെമ്മീനും വാളയും വറ്റയും കേരയുമെല്ലാം കറികളായി നിറയുമ്പോൾ പൊടിമീൻ വറുത്തതും പള്ളത്തിയുമെല്ലാം സ്വാദിന്റെ അടയാളങ്ങളായി രുചിയറിയാൻ എത്തുന്നവന് മുമ്പിൽ അണിനിരക്കുന്നു. നല്ല പിടയ്ക്കുന്ന മീൻവിഭവങ്ങൾക്ക് പുറമേ കോഴിയും പന്നിയും പോത്തും ആടും താറാവും കക്കയും കല്ലുമ്മേക്കായുമെല്ലാം രുചിരാജാക്കന്മാരായി ഗരുഡാകരിയിലെത്തുന്നവനെ ആകർഷിക്കുന്നു. എങ്ങനെ എത്താം : കിടങ്ങറ പാലം (മുട്ടാർ ജംഗ്ഷൻ),ആലപ്പുഴ
ഓർക്കുമ്പോൾ തന്നെ ഏതൊരു ശരാശരി ഭക്ഷണപ്രേമിയുടെയും വായിൽ വെള്ളം നിറയും അല്ലെ. നമ്മുടെ മനസും ആമാശയവും ഒരേ പോലെ നിറയ്ക്കുന്ന
വിവിധ രുചികൾ തേടി അലയുന്ന സഞ്ചാരി സുഹൃത്തുക്കൾക്കായി ഇതാ പരിചയപ്പെടുത്തുന്നു ഹസ്തിനപുരി ഷാപ്പ്.
ഹസ്തിനപുരി ഷാപ്പ്. രണ്ടു വശത്തും നല്ല പാടങ്ങളും , തെങ്ങും, കവുങ്ങും അങ്ങനെ മൊത്തത്തിൽ ഒരു നാടൻ ഷാപ്പിന്റെ അന്തരീക്ഷം നിറഞ്ഞ സ്ഥലത്താണ് നമ്മുടെ ഷാപ്പ് സ്ഥിതി ചെയ്യുന്നത്. ഓം ശാന്തി ഓശാനയിലെ പൂജയുടെ ഫാദർ ഡോ. മാത്യുവിന്റെ വാക്കുകളിൽ പറഞ്ഞാൽ അത്യാവശ്യം ഹരിതാഭ നിറഞ്ഞ ഒരു സ്ഥലം.
