ആലപ്പുഴ:കാറില്‍ തട്ടി നിയന്ത്രണംതെറ്റിയ ബൈക്ക് സ്വകാര്യബസിന്റെ അടിയില്‍പ്പെട്ട് രണ്ട് യുവാക്കള്‍ മരിച്ചു.മറ്റൊരാൾക്ക് ഗുരുതരമായി പരിക്കേറ്റു.
ചേർത്തല പള്ളിപ്പുറം പഞ്ചായത്ത് ആറാം വാര്‍ഡ് വള്ളിക്കാട്ട് കോളനി മട്ടപ്പുറത്തുവെളി പ്രണവ് പ്രമോദ്(22), തൂവാനത്തുവെളി ബിസ്മല്‍ ബാബു(26) എന്നിവരാണ് മരിച്ചത്.പരിക്കേറ്റ വള്ളിക്കാട്ട് കോളനിയിലെ പ്രണവ് പ്രകാശനെ(24) കൊച്ചിയിലെ സ്വകാര്യ ആശുപത്രിയില്‍ പ്രവേശിപ്പിച്ചു.
ഞായര്‍ രാവിലെ 10.30ന് ചേര്‍ത്തല-അരൂക്കുറ്റി റോഡില്‍ മാക്കേക്കവലയ്ക്ക് സമീപത്തായിരുന്നു അപകടം. പൂച്ചാക്കലില്‍ വിവാഹത്തില്‍ പങ്കെടുക്കാന്‍ പുലര്‍ച്ചെ വീട്ടില്‍നിന്ന് പോന്നവരാണ് യുവാക്കള്‍.ബസിന്റെ പിന്‍ചക്രങ്ങള്‍ യുവാക്കളുടെ ദേഹത്തുകയറിയിറങ്ങുകയായിരുന്നു.
