വെള്ളിയാഴ്ച പുലര്‍ച്ചെ രണ്ട് മണിയോടെയാണ് ലോറി മോഷണം പോയത്. മൂവാറ്റുപുഴ മുളവൂര്‍ പുന്നമറ്റം പാമ്ബുംകര വീട്ടില്‍ പി.എസ്. നിഷാദ് (40), പല്ലാരിമംഗലം പൈമറ്റം മണിക്കിണറിന് സമീപം താമസിക്കുന്ന കരിക്കണ്ണക്കുടി വീട്ടില്‍ അബൂബക്കര്‍ മൊയ്തീന്‍ (41) എന്നിവരെയാണ് തൊടുപുഴ പൊലീസ് അറസ്റ്റ് ചെയ്തത്. മോഷണം പോയ ലോറിയും ഇത് കൊണ്ടുപോകാന്‍ ഉപയോഗിച്ച ക്രെയിനും പൊലീസ് കസ്റ്റഡിയിലെടുത്തിട്ടുണ്ട്.
തൊടുപുഴ വെങ്ങല്ലൂര്‍ ചേറാടിയില്‍ പരേതനായ ഡി. സുരേഷിന്റെ വെങ്ങല്ലൂര്‍- മങ്ങാട്ടുകവല ബൈപാസില്‍ നിര്‍ത്തിയിട്ടിരുന്ന ലോറിയാണ് പ്രതികള്‍ ക്രെയിനെത്തിച്ച്‌ കെട്ടിവലിച്ച്‌ കൊണ്ടുപോയത്. മോഷണം പോയ വിവരം അറിഞ്ഞ് സുരേഷിന്റെ ഭാര്യ പൊലീസില്‍ പരാതി നല്‍കിയിരുന്നു.
