കേന്ദ്ര സായുധ പൊലീസ് സേനകളില്‍ അസിസ്റ്റന്റ് കമാന്‍ഡന്റ് (ഗ്രൂപ്പ് എ) ഒഴിവിലേക്ക് യുപിഎസ്‌സി അപേക്ഷ ക്ഷണിച്ചു.
322 ഒഴിവിലേക്ക് അപേക്ഷ ക്ഷണിച്ചത്. താല്‍പര്യമുള്ളവര്‍ ഈ മാസം 10 ന് മുന്‍ അപേക്ഷ നല്‍കണം. ഓഗസ്റ്റ് 6 നു നടത്തുന്ന സെന്‍ട്രല്‍ ആംഡ് പൊലീസ് ഫോഴ്‌സസ് പരീക്ഷ മുഖേനയാണു അസിസ്റ്റന്റ് കമാന്‍ഡന്റ്സ് പോസ്റ്റിലേക്ക് തെരഞ്ഞെടുക്കുക.
ബിഎസ്‌എഫിലേക്ക് 86, സിആര്‍പിഎഫിലേക്ക് 55, സിഐഎസ്‌എഫിലേക്ക് 91, ഐടിബിപിയിലേക്ക് 60, എസ്‌എസ്‌ബിയിലേക്ക് 30 എന്നിങ്ങനെയാണ് ഒഴിവുകള്‍. 20-25 വയസിനുള്ളിലാണ് പ്രായ പരിധി.
ബിരുദമാണ് യോഗ്യത. അവസാനവര്‍ഷ വിദ്യാര്‍ഥികളെയും പരിഗണിക്കും. കൂടുതൽ വിവരങ്ങൾക്ക്:www.upsc.gov.in
