ന്യൂഡൽഹി:ഡല്‍ഹി മെട്രോയിൽ യുവാവിന്റെ പരസ്യമായ സ്വയംഭോഗം.സംഭവത്തില്‍ നടപടി ആവശ്യപ്പെട്ട് ഡല്‍ഹി വനിതാ കമ്മീഷന്‍ അധ്യക്ഷ സ്വാതി മാലിവാൾ രംഗത്തെത്തി.
യുവാവിനെ ഉടന്‍ അറസ്റ്റ് ചെയ്യണമെന്ന് ഡല്‍ഹി പൊലീസിനും ഡല്‍ഹി മെട്രോയ്ക്കും നിര്‍ദ്ദേശം നല്‍കിയിട്ടുണ്ടെന്നും അവര്‍ വ്യക്തമാക്കി. യുവാവിന്റെ പ്രവര്‍ത്തി അറപ്പുളവാക്കുന്നതാണെന്നും സ്വാതി മാലിവാള്‍ ട്വീറ്റ് ചെയ്തു.
മെട്രോയില്‍ യാത്ര ചെയ്യുന്നതിനിടെ യുവാവ് ഫോണില്‍ നോക്കി സ്വയംഭോഗം ചെയ്യുകയായിരുന്നു. ഇതിന്റെ വീഡിയോ സാമൂഹിക മാധ്യമങ്ങളില്‍ പ്രചരിച്ചതോടെയാണ് സംഭവത്തില്‍ നടപടി ആവശ്യപ്പെട്ട് ഡല്‍ഹി വനിതാ കമ്മീഷന്‍ അധ്യക്ഷ രംഗത്തെത്തിയത്.
