താനെ: മഹാരാഷ്ട്രയിലെ താനെയിൽ ബഹുനില കെട്ടിടത്തിൽ വൻ തീപിടിത്തം. താനെ നഗരത്തിലെ ഗോധ്ബണ്ടർ റോഡിലുള്ള ഒറിയോൺ ബിസിനസ് പാർക്കിലാണ് സംഭവം. കെട്ടിടത്തിൻ്റെ പാർക്കിങ്ങിൽ ഉണ്ടായിരുന്ന കാറുകൾ കത്തിനശിച്ചു. കാറുകളിൽ ചിലത് പൊട്ടിത്തെറിച്ചു. സമീപത്തെ മാൾ അടക്കമുള്ള കെട്ടിടങ്ങളിലേക്കും തീ വ്യാപിക്കുകയാണ്.
#WATCH | Maharashtra: Fire breaks out in the buildings of Orion Business Park & adjacent Cine Wonder Mall in Kapurbawadi, Ghodbunder Road in Thane. Several fire tenders at the spot. Police, disaster management and fire brigade officers at the spot.
(Source: Regional Disaster… pic.twitter.com/JWjpa8iD1Z
— ANI (@ANI) April 18, 2023
രാത്രി എട്ടരയോടെയാണ് അഞ്ചുനില കെട്ടിടത്തിൽ തീപിടിത്തം ഉണ്ടായത്. ഒറിയോൺ ബിസിനസ് പാർക്കിലെ പാർക്കിങ്ങിൽ നിന്നാണ് തീ ഉയർന്നതെന്നാണ് വിവരം. പാർക്കിങ്ങിൽ ഉണ്ടായിരുന്ന എല്ലാ കാറുകളും കത്തിനശിച്ചുവെന്ന റിപ്പോർട്ടുകൾ പുറത്തുവരുന്നുണ്ട്. പാർക്ക് ചെയ്തിരുന്ന സിഎൻജി കാർ പൊട്ടിത്തെറിച്ചു. വിവിധയിടങ്ങളിൽ നിന്നായി ഫയർ ഫോഴ്സ് സംഘങ്ങൾ സ്ഥലത്തെത്തി തീ അണയ്ക്കാനുള്ള ശ്രമം തുടരുകയാണ്.
കെട്ടിടത്തിനു സമീപത്തായി മാളും വീടുകളും 60 ലധികം കടകളും സ്ഥിതി ചെയ്യുന്നത് ആശങ്ക ഇരട്ടിയാക്കുന്നുണ്ട്. സംഭവത്തിൻ്റെ നിരവധി വീഡിയോകൾ സമൂഹമാധ്യമങ്ങളിൽ വ്യാപകമായി പ്രചരിക്കുന്നുണ്ട്. അതേസമയം ആളുകൾക്ക് അപായമുണ്ടായോ എന്ന കാര്യത്തിൽ വ്യക്തതയില്ല. തീപിടിത്തത്തിനു കാരണം അവ്യക്തമാണ്.
