ദില്ലി: ഐപിഎല്ലിനിടെ വീണ്ടും മൊട്ടിട്ട പ്രണയത്തെക്കുറിച്ച് തുറന്നു പറയുന്ന പഞ്ചാബ് കിംഗ്സ് നായകൻ ശിഖർ ധവാൻറെ വീഡിയോ ഓൺ ലൈനിൽ ചോർന്നു. മുൻ ഭാര്യ ആയിഷ മുഖർജിയുമായുളള വിവാഹമോചനത്തിനുശേഷം സംഭവിച്ച ആദ്യ കാഴ്ചയിലെ പ്രണയത്തെക്കുറിച്ചാണ് ധവാൻ സമൂഹമാധ്യമങ്ങളിൽ പ്രചരിക്കുന്ന വീഡിയോയിൽ തുറന്നു പറയുന്നത്. ഒരു മുറിയിൽ ഓൺ ആക്കി വെച്ചിരിക്കുന്ന ക്യാമറക്ക് മുമ്പിലേക്ക് കടന്നുവന്ന് മുന്നിലെ സോഫയിൽ ഇരിക്കുന്ന ശിഖർ ധവാനെയാണ് വീഡിയോയിൽ കാണുന്നത്. ഇതിനുശേഷം, അഭിമുഖം നടത്തുന്ന വ്യക്തിക്ക് അദ്ദേഹം ഒരു മിഠായി വാഗ്ദാനം ചെയ്യുന്നു.എന്നാൽ ആരാണ് അഭിമുഖം നടത്തുന്നത് എന്ന് വ്യക്തമല്ല. വീഡിയോയിൽ ധവാൻറെ ശബ്ദം മാത്രമാണ് കേൾക്കുന്നത്.
അടുത്തിടെ കണ്ടുമുട്ടിയ ഒരു പെൺകുട്ടിയെക്കുറിച്ച് അഭിമുഖം നടത്തുന്നയാൾ ശിഖർ ധവാനോട് ചില ചോദ്യങ്ങൾ ചോദിക്കുന്നു. ഒരു ഫാം ഹൗസിലെ പാർട്ടിക്കിടെയാണ് താൻ അവളെ കണ്ടുമുട്ടിയതെന്ന് ശിഖർ ധവാൻ പറയുന്നു.ഞാൻ അവളെ കണ്ടപ്പോൾ ഞാൻ നോക്കിക്കൊണ്ടിരുന്നു.അവളെ കേട്ടപ്പോൾ ഞാൻ ശ്രദ്ധിച്ചുകൊണ്ടിരുന്നു. ഇതിനുശേഷം ശിഖർ ധവാൻ തങ്ങളുടെ പ്രണയകഥ എങ്ങനെയാണ് മുന്നോട്ടുപോവുന്നതെന്ന് വീഡിയോയിൽ പറയുന്നു.
It's official! Shikhar Dhawan has moved on and have a new love interest. ShikharDhawan ViralVideo pic.twitter.com/G5WYIsbBUe
— Sandeep Singh (@ActivistSandeep) April 11, 2023
വീഡിയോയുടെ അവസാനം, പഴയത് മറന്ന്, മുന്നോട്ട് പോകേണ്ട സമയമാണിത് എന്നും ധവാൻ പറഞ്ഞു.വീഡിയോയുടെ അവസാനം താങ്കൾ ഇത് റെക്കോർഡ് ചെയ്യുകയാണോ എന്ന് ചോദിച്ച്ധവാൻ വീഡിയോ ക്യാമറ കൈകൊണ്ട് മറക്കുന്നതും കാണാം. 8 വർഷത്തെ ദാമ്പത്യം അവസാനിപ്പിച്ച് ശിഖർ ധവാനും മുൻ ഭാര്യ ആയിഷ മുഖർജിയും 2021-ലാണ് വേർപിരിഞ്ഞത്.2012 ൽ വിവാഹിതരായ ഇരുവർക്കും,സോരാവർ എന്ന മകനുണ്ട്.
ഐപിഎല്ലിൽ മിന്നും ഫോമിലാണ് ധവാൻ ഇത്തവണ. പഞ്ചാബ് കിംഗ്സിൻറെ നായകനായ ധവാൻ മൂന്ന് കളികളിൽ ടീമിന് രണ്ട് ജയം സമ്മാനിച്ചു. മൂന്ന് കളികളിൽ 225 റൺസ് നേടിയ ധവാൻ റൺവേട്ടയിലും ഒന്നാമതാണ്.സൺറൈസേഴ്സിനെതിരായ കഴിഞ്ഞ മത്സരത്തിൽ പഞ്ചാബ് തോറ്റെങ്കിലും 99 റൺസുമായി പുറത്താകാതെ നിന്ന ധവാൻറെ ഇന്നിംഗ്സ് ഐപിഎല്ലിലെ തന്നെ ഏറ്റവും മികച്ച ഇന്നിംഗ്സുകളിലൊന്നായിരുന്നു.
