2023 ഏപ്രിൽ മാസം ബാങ്ക് ആവശ്യങ്ങളുമായി ബന്ധപ്പെട്ട പ്രധാന കാര്യങ്ങൾ ചെയ്യാനുള്ളവർ ഇതൊന്ന് അറിഞ്ഞിരിക്കുന്നത് നല്ലതാണ്.
ഏപ്രിൽ 1 ന് വാണിജ്യ ബാങ്കുകളുടെയും സഹകരണ ബാങ്കുകളുടെയും വാർഷിക കണക്കെടുപ്പ് പ്രമാണിച്ച് ബാങ്ക് അവധി ആയിരിക്കും. ഏപ്രിൽ 2 ന് ഓശാന ഞായറാണ്. പിന്നീട് ഏപ്രിൽ 6 ന് പെസഹാ വ്യാഴം അവധിയുണ്ട്. ഏപ്രിൽ 7 ദു:ഖ വെള്ളിയ്ക്കും ബാങ്ക് അവധിയാണ്. രണ്ടാം ശനി ആയതു കൊണ്ട് തന്നെ 8-ാം തീയതിയും ബാങ്ക് അവധി. പിറ്റേന്ന് ഞായറാഴ്ച്ച ഈസ്റ്റർ അവധി. അങ്ങനെ 4 അവധികൾ ഒരുമിച്ചു വരുന്നുണ്ട്.
അടുത്തത് ഒരു ചെറിയ ഇടവേളയ്ക്കു ശേഷം വീണ്ടും 3 അവധികൾ ഒരുമിച്ചു വരുന്നുണ്ട്. ഏപ്രിൽ 14 അംബേദ്കർ ജയന്തി, ഏപ്രിൽ 15 ന് വിഷു, ഏപ്രിൽ 16 ഞായർ എന്നിങ്ങനെ തുടർച്ചയായി ബാങ്ക് അവധികൾ. അടുത്തത് ഏപ്രിൽ 21 ന് റംസാൻ അഥവാ ഈദ്-ഉൽ- ഫിത്തർ അവധി വരുന്നുണ്ട്. 23 ന് ഞായറാഴ്ച്ച അവധിയാണ്. പിന്നീട് ഈ മാസത്തിലെ ഏറ്റവും അവസാന ദിവസമായ 30 ഞായറാഴ്ച്ച അവധി തന്നെയാണ്.
ചുരുക്കിപ്പറഞ്ഞാൽ ഏപ്രിൽ 1,2,7,8,9,14,15,16,21,23,30 എന്നിങ്ങനെ 11 ബാങ്ക് അവധി ദിനങ്ങൾ ഉണ്ട്. അപ്പോൾ അടുത്ത മാസത്തേക്കുള്ള പ്ലാനിങ്ങുകൾ നടത്തുന്നവർ ഇത് കൃത്യമായി ശ്രദ്ധിയ്ക്കുക.
